Юрий Бача, Juraj Bača, *13. май 1932, Кечковцѣ, Чехословакия – †25. януар 2021, Пряшово, Словакия — познатый в украинском свѣтѣ педагог, публициста, писатель, литературознатель, сполоченско-културный дѣятель, еден зоз найактивнѣйшых меджи украинской ориентации обывательох Чехословакии по року 1945.Paul Robert MagocsiМишанич О. В.Іван Хланта Биография Походжѣня и штудииПоходив з селянской родины яко третий дѣтвак меджи десятьома.Петро Іванишин По зачаточной школѣ в родиску (1937–1943), горожанской школѣ в Свиднику (1943–1947) закончив з одзнаков Торговелну академию в Пряшовѣ (1947–1951). Од 1. септембра 1951 до конця августа 1952 преподавав на русской гимназии Геройох Дуклѣ во Свиднику, быв секретарь окружного комитета учительского профсоюза, а ку тому учив ся екстерно и закончив первый курз педагогичной факулты Словацкой универзиты в Пряшовѣ (1951–1952), третий семестер — в Братиславѣ, в Пряшовѣ, де в року 1954 дипломовав з одзнаков.

Социална активностьПри тому од року 1945 быв активистом молодежных комунистичных организаций и акций, в року 1951 став ся первым редактором крайовой компартийной новинкы Нове життя, а од року 1953 — членом комитета партии на педагогичной факултѣ. Хоть его фахова шпециализация ограничовала ся литературнов творчостьов и литературознательством, и дале аж до конця живота зоставать социално активным, переважно в украинскых народностных организациях, а себе самого означать передо вшиткым як публицисту и новинаря.

Од русисты до украинистыВ роках 1954–1956 — асистент катедры русского языка педагогичной факулты в Пряшовѣ.Федір Ковач До року 1952 писав лем по русскы, аж и написав свой первый роман Шаг за шагом тыж по русскы. Але в далшых рокох генералнов линиов партии ся ставать украинизация. В року 1956 закончуе екстерны штудии на филозофичной факултѣ Универзиты Коменского в Братиславѣ и одходить до Киева до аспирантуры на катедрѣ украинской литературы Киевской универзиты (1956–1960), де 13. мая 1960 (в день свого 28-роча) обгаив кандидатску дизертацию зоз темов “Літературний рух на Закарпатті середини ХІХ століття”. вертать ся до Словакии уже яко кандидат наук и преподавать украинскый язык и литературу на универзитѣ Павла Йозефа Шафарика в Пряшовѣ (1960–1971), габилитованый на доцента (1963) и професора (2000).

Дисидентство и репресииПублицистика, але и литературна творба , котрый мав смѣлость формуловати непопуларны погляды, часто доставала типично дисидентскый характер, была непрестанно критикована партийныма органами. В став ся едным з найактивнѣйшых украинскых публицистох Словакии, доставав позваня на заграничны навщѣвы од украинской диаспоры. В року 1966 передав за границю рукопис роботы украинского дисидента Ивана Дзюбы Інтернаціоналізм ци русифікація?, котрый по пару роках быв там опубликованый в даколькых перекладах. За тото вшитко од року 1971 быв выказаный з партии и з роботы на универзитѣ. Наступны 20 рокы были му заказаны всякы публикации, а мусѣв ся живити розличныма, переважно мануалныма роботами. В року 1974 засудженый на 4 рокы (по едном року амнестованый).Федір Ковач

Посткомунистична добаПо падѣ комунистичной влады в року 1989 вернув ся до академичного и публичного живота, в року 1990 обновленый на педагогичной роботѣ в Пряшовѣ. В той добѣ але в украинском животѣ Пряшовского края доминують новы люде, о роботѣ котрых барз критично пише во своих публикациях (З історії української літератури Закарпаття та Чехословакії (1998) тай инш.) Свои публикации мусить выдавати переважно на властны грошѣ. Не барз вѣтаный ани на универзитѣ, як сам пише во своей автобиографичной хронологии,Юрій Бача — коли, й де був, і що там робив. жебы достав званя професора, мусѣв два раз перейти процедуров инавгурации (1995, 2000), а по року професорства уж быв пензионованый. З остров критиков выступать против Русинох и их усилованя вывинути властный язык, литературу и школство, понеже их поважуе за Украинцьох. Найвеце вѣтаный и активный в меджинародных украинскых организациях и акциях.

Творба Повнѣйшу библиографию подав И. Хланта (доступна online). З истории литературы: Літературний рух на Закарпатті середини 19 ст. (Пряшів, 1961) З історії української літератури Закарпаття та Чехословаччини (Пряшів, 1998) Юрий Бача в библиотецѣ Чтиво

Интересны факты В року 1961 Юрий Бача опубликовав есей Притча про гілку, де Русины алегорично были представлены як голуза украинской липы, што по одломлѣню «впала і зовсім замовкла», а тота притча была остро скритикована крайкомом партии, котрый зажадав покарати молодого автора; на то Бача здурив своих критикох, же журнал забыв написати о далшом продовжѣню есея, а такой нараз написав го за едну ночь, а там додав, подля соцреалистичного канона приход вояка-выслободителя, якый одломленой голузѣ помог прирости и «зацвісти небувалим розкішним цвітом».

Жерела и одказы

Федір Ковач: Бача Юрій // С. 38

Референции

Катеґорія:Украинскы писателе Катеґорія:Педаґоґы Катеґорія:Литературознателе