FictionBook — формат електронных книжок на базї XML. Созданый в Росії, де и достав популарность. Файлы сёго формата мавут росширеня .fb2.
Формат FictionBook не опредїляє вызир документа; вмісто того описує структуру. Напримір, сут спеціалні теґы для епіґрафув, вершюв а цітат. Также у файлови присутствує всї метадані, якож то: имня автора, назва, выдаватель. Се чинит сесь формат удобным до автоматичної обробкы, конвертованя, індексованя, всокоченя.
Правилно пудготовеный електронный текст у форматї FictionBook вміщає всю потребну інформацію о книзї: структурованый текст, ілустації, інформацію об авторї а выданї, айбо не сут привязані д інформації о вызирови документа. Як буде вызирати текст, достатый из формата .fb2, зависїт од штімовань проґрамы-конвертора, авадь проґрамы для пересмотру сёго формата, авадь од завданых параметрув. Катеґорія:Форматы файлув