Нагорнокараба́шска автоно́мна о́бласть (НКАО) ( Дағлыг Гарабағ Мухтар Вилајәти/Dağlıq Qarabağ Muxtar Vilayəti, Լեռնային Ղարաբաղի Ինքնավար Մարզ) — автономна область, бывша в роках 1923—1991 частьов Азербайджанской ССР, обывана переважно етничныма Арменами.Encyclopedia Britannica
История Од року 1805 (а дефинитивно од 1813) Карабахске ханство было под владов России. По револуции 1917 националисты, подтриманы заграничнов интервенциев, спровоковали меджиетничны конфликты. Совѣтска влада, установлена в Карабаху в маю 1920, рѣшила проблему так, же 7. юла 1923 створила Нагорнокарабашску автономну область (НКАО) на територии Азербайджанской ССР. Отдѣлена од Арменской ССР на западѣ Карабахскым гребеньом, НКАО так ся стала меншинсков енклавов вдну Азербайджана и спокойно ся розвивала за многы десятьроча совѣтской влады.
Але в року 1988 етничны Армены Нагорного Карабаха имили ся агитовати за передачу своей области под юрисдикцию Армении, против чого остро выступили як Азербайджанска ССР, так и централна влада СССР. Выострѣня конфликта донутило централну владу од 20. януара 1989 призоперти функции областной влады и нарядити в НКАО шпециалну администрацию из Москвы, хоть формално статус автономии не быв скасованый.
26. новембра 1991 Верховна Рада Азербайджана прияла рѣшѣня о скасованю НКАО.. Понеже Комитет Конштитучного дозора СССР выголосив тото рѣшѣня неконштитучным,АКТЫ КОМИТЕТА КОНСТИТУЦИОННОГО НАДЗОРА СССР 1990–1991 годы формално НКАО екзистовала до роспада СССР 26. децембра 1991.
Административно автономная область была роздѣлена на: город Степанакерт — административный центр области; 5 районы Аскеранскый (до 1978 — Степанакертскый); Гадрутскый район; Мардакертскый; Мартунинскый; Шушинскый.
Обывательство + Динамика 1921–1989 Етничнагрупа 1921 1926 1989 Число % Число % Число % Армены 122 426 94,73% 111 694 89,14% 145 450 76,92% Азербайджанцѣ 6 550 5,07% 12 592 10,05% 40 688 21,52% Русы 596 0,48% 1 922 1,02% Область 129 243 100% 125 159 100% 189 085 100%Указаны групы з числом од cca 0,5% Обывательство области в зачатку 1920-х переважно было арменске , а лем незначна часть была азербайджанска . За рокы екзистованя НКАО частка Арменох упала од 94,7% до 76,9%, при том частка Азербайджанцьох выросла на четыре раз векшу, од 5,1% до 21,5%, што указуе на културны и економичны тяжкости, до котрых ся мѣстне арменске обывательство достало под совѣтскым азербайджанскым проводом и котры го вели ку емиграции до Армении и до Баку.
В городах (Степанакерт, Шуша) и мѣстечках жие cca 48% обывательства.
Газдовство Промысел стоить на выхоснованю мѣстных сыровин. На 1. мѣстѣ потравиновый конарь: главнѣ винарство (Степанакерт, Гадрут, Мартуни, Мардакерт, Аскеран, Ленинаван, Красный Базар) и маслосырна продукция. Розвитый лѣсный и деревопромысел, выроба бутору, выроба ставебных материалох. Важным продуцент тыж Степанакертска електротехнична фабрика. Централный город мать ай великый шовковый комбинат, обувну, коверцьову и одежну фабрикы. В купельовом городѣ Шуша — фабрика восточных музичных инштрументох.Большая Советская Энциклопедия
Жерела и одказы
Референции
Катеґорія:Кавказ Катеґорія:СССР Катеґорія:Штаты і теріторії, котры основаны 1923 Катеґорія:Штаты і теріторії, котры заникли 1991