Лістенбурґ () є фіктівный штат, быв вытвореный як предмет інтернетового мему в октобрї 2022, котрый єй зображує як розшырїня Піренейского полоострова. Французьскый хоснователь Twitter (днесь X) Ґаспард Гелшер ся подїлив выправленов мапов Европы з червенов шіпков вказуючу на контур штата, котрый гранічіть з Портуґаліёв і Іспаніёв і жартовав, же Америчане не можуть тоту країну поменовати.
Неекзістуючій штат ся став вірусовым на соціалных мережах, причім хоснователї розвинули фіктівну історію того штату, і дакотры вызнамны значкы, народны політіци і офіціалны орґанізації ся припоїли ку тому жарту.
Походжіня
Тот тренд ся зачав як інтернетовый мем, котрый опубліковав французьскый хоснователь Twitter з цїлём отестовати стереотіп о Америчанів, котры мають слабі зналости европской ґеоґрафії.
30. октобра 2022 Ґаспард Гелшер, на Twitter знамый як @gaspardooo, ся подїлив фотошопом выправленой мапы Европы з далшов певнинов припоєнов ку Піренейскому полоострову. Приспівок быв підписаный тітулком: "Je suis sûr que les américains ne connaissent même pas le nom de ce pays ptdrrr" ( „Єм сі істы, же Америчане ани не знають назву того штату лол“). Далшый хоснователь реаґовав речницькым вопросом: "Qui ne connaît pas le listenbourg?" ( „Хто не знає Лістенбурґ?“), чім дав тій містіфікації назву.
Назва штату ся описує як змішаня „Луксембурґа“, „Литвы“ і/або „Ліхтенштайньска“. Контур Лістенбурґа є выправлена сілуета контіненталного Французьска, обернута і з одстраненыма дакотрыма частями.
См. тыж Краловецькый край
Референції