А́перітіфы (, ) сут алкоголні напої, котрі ся подавут перед їдіньом, обы стимуловати апетит. Обычно аперітіф сухый, а не солодкый. Часто ги аперітіф хоснувут вермуты, шампанськоє вино, пастіс, джін, узо, фіно, амонтіядо авадь иншакі варіанты сухого шері.
Аперітіф ся годен подавати из малов закусков, котра ся їст перед основным їдіньом — ордывром ( ци ) авадь ищи меншов його верзійов — амуз-бушом (). Прикладами такого сут крекеры, сыр, паштет, кіш авадь оливкы.Lichine, Alexis. Alexis Lichine's New Encyclopedia of Wines & Spirits (5th edition) (New York: Alfred A. Knopf, 1987), 75.Robinson, Jancis. The Oxford Companion to Wine (3rd edition) (Oxford University Press: 2006), 26.
Етимолоґія Термін а́перітіф має французькоє походжіня; , () походит уд „удкрытя“ уд „удкрывати“. У французькому языкови є ай колоквіална куртанка apéro ().
Історія
Аперітіфы екзистувут маймало уд пятого стороча нашої еры, як указує фраґмент из „Філокалії“: „Людьом, котрі хотят дисципліновати полові орґаны, варта не пити тоты штучні суміші, котрі ся кличут ,аперітіфы‘ — так ся тримле, ож они удкрывавут путь у жолудок про послідувучоє їдіня.“The Philokalia: Vol. 1; St. Diadochos of Photiki, On Spiritual Knowledge; p. 267. Faber and Faber, Inc. New York, New York; 1979.
У 1796. рокови турінськый винороб Антоніо Карпано унайшов сучасный вермут.
Аперітіфы дустали шыроку популарность у 19. сторочу в Італії, де їх подавали у мовдных кафе у Туріні, Римі, Ґенові, Флоренції, Мілані тай Венеції.
Аперітіф „Дубонне“ () быв унайденый у 1846. році у Франції хеміком Жозефом Дубонне про полегшеня приятя хініна против маларії. Лікарство было поквасным, зато ун розробив формулу из трав и спецій, котра бы пригасила острый смак хініна — у резултаті тото быв натулко читавый успіх, ож удтовды формулу файно сокотят. Катуны Французького чужоземного леґіона хосновали „Дубонне“, обы ужыти у Сівернуй Африці, де бушовали маларійні комарі.
Аперітіфы стали дуже популарні у Европі тай из часом перейшли Атлантичный океан — до 1900. року они стали частым явліньом ай у США.
Популарні аперітіфы
Франція У Франції выбор аперітіфув залежит на реґіон: на юзі крайины популарный пастіс, у Нормандії „Калвадос“, на востоці „Кремант д’Алзас“. Кромі того ся подавут як аперітіфы вина тай конякы. Коктейл кір, знамый ай як „Блан-кассі“ тото пошыреный аперітіф, чиненый из крема де кассі (лікыра из чорної смородины) тай білого вина ги бурґонь аліґот. Є щи варіація сього коктейла з назвов „кір роял“, у котруй білоє вино замінено на шампанськоє. Просто погар черленого вина ги „Божоле нуво“ тоже годно быти аперітіфом, уєдно наприклад из амуз-бушом.
Італія У Італії роль аперітіфа () часто сповнявут вино вадь вермут. Кромі того сут популарні мартіні, апероль шпріц и кампарі з солодков водов.
Восточноє Середземноморя У восточному Середземноморьови, на Балканах як аперітіфы хоснувут місні алкоголні напої, наприклад арак, узо, ракію, котрі ся подавут из морепродуктами ци мезе.
Британія тай Ірландія У Великуй Британії й Ірландії традиційныма аперітіфами сут шері тай сухоє вино Мадейра.
Читайте ай
Діжестіф
Референції