Жуково, Zsukó, Žukovo ( до року 1995 — Жукове)Sebestyén Zsolt, с. 151 — село в Мукачовском районѣ Закарпатской области Украины. Од року 2020 административно належить ку Ивановецкой громадѣ. Оддалене од Мукачова о 10 км.Тронько П., с.433
История Перва упоминка в историчных документах датована роком 1417.
В року 1880 в 77 хыжах жили 384 особы.Олексій Філіппов, с. 36.
В року 1910 село Zsukó належало ку Латоричанскому округу Бережской жупы и мало 511 обывательох русинской народности. По Трианонѣ одышло ку Чехословакии.Révai nagy lexikona, том 19, с.767.
В року 1921 село Žukovo мало 556 жителѣ (262 мужы и 294 жены). Подля народности были 529 Русины, 2 Мадяре, 25 Евреи. Подля вѣры 521 греко-католикы, 35 израелиты. В селѣ были того року 116 хыж. Нотарськый уряд быв в Лоховѣ, жандарскый в Ракошинѣ, медична служба, пошта, телеграф, телефон, желѣзнична штация в Росвиговѣ, окружный суд — в Мукачовѣ.
В року 1931 село Žukovo мало 631 жителя, з них были 584 Русины, 37 Евреи, 1 Чех або Словак, 9 чужоземцѣ. Грекокатолицка громада мала 589 вѣрникох и муровану церкву Св. Иоанна . В селѣ была трикласна русинска школа.Ярослав Достал, с.131.
24. октобра 1944 выслободжене од фашистичных окупантох. Од року 1945 належить ку УССР, од року 1991 — ку независимой Украинѣ.
Сучасность Село цивилизоване, мать водовод, школу, библиотекы, познате высокыма урожаями грозна и садовины, мясо-молочнов продукциов.
Вызнамны родаци Василь Басараб (1932–2003), подкарпатскый поет, прозаик, перекладатель, новинарь.
Жерела A történelmi Magyarország atlasza és adattára 1914 Révai nagy lexikona. Budapest: Révai Testvérek Irodalmi Intézet Részvénytársaság (1911–1935). Sebestyén Zsolt: Bereg megye helységneveinek etimológiai szótára. Ярослав Достал. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Ярослав Достал. Підкарпатська Русь (Закарпаття періоду Чехословацької республіки: 1919–1938) Тронько П. и др. (ред.) Історія міст і сіл України. Закарпатська область. К. 1969. Олексій Філіппов. Історична символіка поселень Мукачівського району. Ужгород, поліграфцентр "Ліра". 2012. Стор. 36.
Референции