Степан Антонов Попович (*20. августа 1926, Велятино, Подкарпатска Русь, Чехословакия – †27. юна 2001, Мукачово, Украина) быв русинськый дохтор-педиатр, дѣточый хирург, кандидат медичных наук.Попович І. С.

Животопис Молоды рокы и штудии Мав 6 рокы, коли при епидемии черевного тифусу, поширеной на векшой части Подкарпатской Руси, умерла им мати, лишивши сиротами пятеро дѣти, межи котрыма быв четвертый. Середошколске образованя достав у Мукачовѣ, де в року 1944 закончив руську гимназию. Восени того ж року до Мукачова зайшла Червена армия и молодый хлопець пошов доброволником на фронт. Служив телефонистом. Конець войны застав го у Чехии (CZ080) под Моравсков Остравов. По войнѣ не дали нараз вернути ся дому, ай мусай было ити „дослужовати" у войсковой единцѣ, што была умѣщена у Тернопольской области. Демобилизованый быв року 1946. Пробовав нараз вступити до Ужгородской державной универзиты, але ани то не мож было, бо требало мати „роботный стаж". Зато мусѣв пойти на роботу учительом до школы в селѣ Верхня Вызниця Мукачовского району. Выучовав мальованя и нѣмчину (талант до мальованя мав од дѣтства, а достаточный уровень знаня языка дала му гимназия). Вступивши на медичну факулту УжДУ, выбрав собѣ професию — хирургию. Дуже скоро усвоив азы медицины. Быв едным из ученикох професора Александра Фединця, з котрым всокотив односины до конця живота и од котрого нераз глядав професийну пораду.

Робота в медицинѣ В року 1954, яко молодый специалиста и новоженецьМ. Алмашій достав указовку до Ясѣня Раховского району, де робив хирургом и рентгенологом, а в року 1959 з родинов перейшов до Рахова, де став у чолѣ хирургичного оддѣленя районной болницѣ. В року 1963 достав мѣсто завѣдуючого хирургичным оддѣленьом областной дѣточой болницѣ у Мукачовѣ, де робив практично до конця свого живота, майже чевертину стороча. Масштаб и складность проблем, якы ту постали перед ним, значно выросли и пожадовали непрестанного роста професийного уровня, усвоеня теории из монографий и медичной периодикы, практикы у ведучых дѣточых хирургох на курсах у Москвѣ, Ленинградѣ, Кийовѣ. Але тоты скушеностѣ и аналитичный приступ ку резултатам роботы помогли му написати и опубликовати у фаховых выданях немало статей из области дѣточой хирургии, а в року 1976 в Институтѣ педиатрии АМН СССР у Москвѣ здобыв ступень кандидата наук.

Сполоченска активность Послѣдне десятьроча значнов мѣров оддав сполоченской роботѣ в Обществѣ подкарпатскых русинох, Обществѣ , мукачовске оддѣленя котрого створив и быв му на чолѣ до конця живота. Присвятив много часу проблемѣ кодификации русинского языка. Быв автором ряда книжок: До 60-роча од дня смерти Євменія Сабова... (1994), Поруналный русинсько-мадярсько-украинскый словарьчик (1999), сполуавтором русинской граматикы „Материнськый язык" (1999), ушорительом даколькох поетичных зберьок, численных статей на русинску тематику.

Жерела

Референції