Алєкса́ндр Зіно́вєв (; 29. октовбра 1922, Пахтіно, РСФСР – 10. мая 2006, Москва, Росія) быв совєтськый и російськый філозоф, писатель, соціолоґ и журналішта; совєтськый дисидент.
Походив из бідної селянської файты, участвовав у Другуй світовуй войні. У 1950–1960. роках Зіновєв быв єдным из симболув удроджіня філозофської думкы в Совєтському союзі. По уданьови в Европі книгы „Зияющие высоты“ дустав світову славу; в 1978. році быв укіряный из СССР, а його совєтськоє громадянство было анулованоє. Вернув ся до Росії в 1999. році.
Креативноє портфоліо Зіновєва обсягує дас 40 книг на вшылиякі темы: соціолоґія, соціална філозофія, математична лоґіка, етика, політична думка. Кой у 1960. роках став популарный у еміґрації ги зглядователь некласичної лоґікы, Зіновєв мусів лишити ся наукы тай стати професійным писательом, рахувучи себе майперше соціолоґом. Його творы в ориґіналнум жанрі „соціолоґічного романа“ принесли му межинародноє узнаня. Зіновєв ся держит за єдну из майориґіналных и спорных перзоналій у російськуй соціалнуй думці другої половины 20. стороча.
Цілый жывут Зіновєв мав активну громадянську позицію: в юні рокы быв антісталінішта, дале критиковав совєтську систему, пак російську політичну систему тай Западный світ, а пуд конець и процес ґлобалізації. Мав траґічні тай песимістичні никаня на світ. Як на Западі, так и в Росії, його неконформіштські позоры ся пуддавали силнуй критиці.
Алєксандр Зіновєв увюг в оборот терміны „гомо совєтікус“ (на попис архетипа совєтського челядника: „…навыклый жыти в удносно пудлых обстояньох, готовый пережывати тяжкоты, фурт чекат ищи гуршого, пудчиняє ся наказам… є продуктом адаптації до подаякых соціалных условій“) и „человейнік“ (т. є. „людська мурянкова купина“, портманто уд и ; зачатково на попис соціалных асоціацій людий).
Бібліоґрафія Научні роботы Философские проблемы многозначной логики (1960) Логика высказываний и теория вывода (1962) Основы научной теории научных знаний (1967) Комплексная логика (1970) Логика науки (1972) Логическая физика (1972) Non-standard logic and its applications (серія лекцій у Оксфорді) (1983)
Фікшын и соціолоґія
Зияющие высоты (1976) Светлое будущее (1978) В преддверии рая (1979) Без иллюзий (1979) В преддверии рая (1979) Коммунизм как реальность (1980) Желтый дом (1980) Мы и Запад (1981) Гомо советикус (1982) Ни свободы, ни равенства, ни братства (1983) Пара беллум (1982) Мой дом – моя чужбина (1982) Нашей юности полёт (1983) Евангелие для Ивана (1982) Иди на Голгофу (1985) Горбачевизм (1988) Катастройка (1988) Живи (1989) Мой Чехов (1989) Смута (1994) Русский эксперимент (1994) Запад: феномен западнизма (1995) Посткоммунистическая Россия (1996) Глобальный человейник (1997) Русская судьба (1999) Глобальное сверхобщество и Запад (2000) Затея (2000) Гибель русского коммунизма (2001) Логическая социология (2003) Запад (2003) Русская трагедия: гибель утопии (2002) Идеология партии будущего (2003) На пути к сверхобществу (2004) Логический интеллект (2005) Распутье (2005) Исповедь отщепенца (2005) Фактор понимания (2006)
За Зіновєва
Референції
Катеґорія:Писателї Катеґорія:Писателе СССР Катеґорія:Писателе 20. стороча Катеґорія:Філозофы Катеґорія:Социологы