Менструа́ція (уд „місяць“) вадь мі́сячні тото реґуларный вытік крові тай слизу з ендометрія — уднушньої оболонкы маткы — через ваґіну. Менструалный цикел ся характеризує змінами уровнюв гормонув. Менструація ся зачинат спозад падіня уровня проґестерона и є знаком, ож не стало ся заплодніня. Бігом менструації ся на гіґієну хоснувут ушылиякі продукты жунської гіґієны: прокладкы, тампоны, менструалні чаші.

Перша менструація, котра ся кличе менархе, типово ся зачинат у пубертат межи віком 11 и 13 рокув, айбо годна ся зачинати и скорше; нормалный вік про менархе є уд 8 рокув. Просіково перша менструація справила настає май пузно у розвивавучых ся державах и май скоро у розвинутых. Типовый інтервал межи першым дньом єдної менструації и першым дньом слідувучої — уд 21 до 45 днув у дівочок; уд 21 до 35 днув у дорослых жун, просіково — 28 днув. У майвеликому зглядованьови податкув аплікацій про удсліжованя менструалных циклув была установлена просікова довгота менструалного цикла в 29.3 днув. Кровотеча як правило йде уд двох до семи днув. Менструація ся не стає у тяжи тай обычно ся не продовжує у перші місяці кормліня з грудий. По рожденьови дітины ся ставут лохії — ваґіналні уверженя з крові, слизу тай тканин маткы. Менструація, а з нив и шанс на тяж, спирає ся по менопавзі, котра ся типово стає межи 45 и 55 роками.

Подля обзвідовань, 38% жун из выборкы бігом менструалного періода цикла не годні чинити кажджоденні активності. Симптомы, котрі ся указувут перед менструаційов и мішавут кажджоденным талантам ся кличут пременструалным синдромом (ПМС). Дас 20–30% жун переносят ПМС; 3–8% мавут тяжкі симптомы: акне, чуствительні груди, здутя, змученость, миреґашность и перепады дякы. Подакотрі жоны мавут болючі менструації (дас 50–90%), силні кровотечі тай абнормалні кровотечі у хотькотрый період менструалного циклу. Удсутность менструації до віку 15 рокув авадь через 90 днув з момента пруйшлої менструації кличе ся аменорея.

Етимолоґія Термін менструація походит уд „місяць“, уд „місяць“.

Другі ссавці Кровотеча бігом менструації ся стає у людий и еволуційно близкых ссавцюв, ги шімпанзе.

Референції