Евромайдан ( ) ци курто Майдан быв габов протестув в Украйині, котра ся зачала 21. новембра 2013. року з масштабных демонстрацій на Майдані Незалежности в Кийові. Причинов протестув стало рішеня товдышнього президента Віктора Януковича не пудписовати договор за асоціацію Украйины з Европськов унійов, ай умісто того зближовати ся з Російов и Евразійськов економічнов унійов. Украйинськый парламент на тот момент уже прияв рішеня фіналізовати договор из ЕУ, айбо Росія чинила тиск на Украйину, обы тота уд нього ся удказала. Масштабы протестув уросли и яли закликати до удставкы Януковича и розпущеня уряду Азарова.Kiev protesters gather, EU and Putin joust , Reuters (12 December 2013) Протестовалникы выступали против корупції в уряді, злохоснованя власти, нарушеня людськых правYanukovych Offers Opposition Leaders Key Posts , Radio Free Europe/Radio Liberty (2014-01-25) и політичного влива оліґархув. Орґанізація Transparency International назвала Януковича майдемонстративным прикладом корупції у світі. Насилственоє придусеня протеста 30. новембра узвало щи булше неґативных реакцій. Евромайдан став майчитавым масовым демократичным кываньом у Европі уд 1989. року и привюг ид Револуції достойности.
Бігом протестув, кийовськый Майдан Незалежности став ґіґантськым протестным табором, защищеным саморобными барікадами, де бывали тысячі протестовалникув. У ньому были кухні, палаткы першої помочі, сцены про бесіды, лекції, дебаты и выставы.Anatomy of Maidan. Virtual tour of the protesters' grounds" . Euromaidan Press. 30 January 2014. Майдан ся сокотив „Самооборонов Майдану“ — волонтерськов орґанізаційов в імпровізованых уніформах, шішаках и бронях, из щитами тай біґарями, каміньом, коктелями Молотова. Протесты ся удбывали и в другых частях Украйины. В Кийові ся 1. децембра стала стычка з міліційов; пак 11. децембра міліція напала на табор. Протесты ся май активізовали з середины януара 2014. року, кой 16. януара Верьховнов радов были прияті диктаторські антипротестні законы. 19–22. януара ся стали смертелні стычкы на улици Грушевського. Май пак протестовалникы яли занимати адміністративні будовы у многых областях Украйины. Кулмінація стычок ся стала 18–20. фебруара, кой у Кийові битка межи міліційов и актівіштами привела ид смертям почти 100 протестовалникув и 13 міліціштув.
В резултаті протестув Янукович и парламентська опозиція 21. фебруара пудписали договор „за вреґулованя політичної кризы в Украйині“, подля котрого ся мала покласти дочасна власть, мали быти прияті конституційні реформы и справлені досрочні убиранкы. Міліція в тот день лишила центер Кийова, а Янукович и міністры вечур лишили варош. На слідувучый день парламент изняв Януковича з посады президента и уголосив дочасный уряд, в голові котрого став Арсеній Яценюк. Скоро по тому ся стала російська анексія Крыма, а на востоці Украйины ся удбыли проросійські демонстрації, што переросло в Російсько-украйинську войну.
Скапчані статі Майдан Незалежности Російсько-украйинська война Норончова револуція
Запяткы
Референції