Trastu ye un rover robóticu d'esploración planetaria desarrolláu pol equipu estudiantil 4Space UniOvi de la Universidá d'Uviéu. Diseñáu y construyíu por estudiantes de distintes especialidaes d'inxeniería, el vehículo nació col oxetivu de participar nel European Rover Challenge (ERC), una competición internacional na que los equipos universitarios tienen que desenvolver robots capaces de realizar xeres inspiraes nes misiones d'esploración planetaria.«ERC 2025 - 4Space Uniovi», 4Space Uniovi, 1 de xunu de 2025. El nome Trastu escoyóse pola palabra asturiana usada pa referise, ente otros significaos, a una persona inquieta o traviesa, buscando una vinculación del proyeutu con Asturies.«Primer hito para 4Space Uniovi», Gijón Impulsa, 2025.
El robot foi diseñáu como una plataforma móvil pa desplazase per terrenos irregulares asemeyaos a los de la superficie de Marte y integrar sistemas de movilidá, enerxía, comunicaciones, autonomía y carga científica.«El robot asturianu 'Trastu', diseñáu pa movese per Marte, gana los Student Talent Awards de Rumanía», Europa Press, 13 de marzu de 2026. El proyeutu inclúi un brazu manipulador y sistemas desarrollaos pa resolver xeres como navegación, recoyida y estudiu de muestres o operaciones de mantenimientu, al empar que funciona como una plataforma formativa na que participen estudiantes de mecánica, electrónica, automática, informática, telecomunicaciones y otres disciplines.José Antonio Fernández Álvarez et al., «Creación de proyectos innovadores en el ámbito aeroespacial: 4Space», Universidá d'Uviéu, 2025.
4Space clasificóse cola primer versión de Trastu pa la final del European Rover Challenge de 2025, tres una fase clasificatoria na que participaron 102 equipos internacionales.«4Space Uniovi presenta su vehículo para la competición European Rover Challenge», CEEI Asturias, 30 de xunetu de 2025. Na final, celebrada en Cracovia, l'equipu acabó nel 19.u puestu ente 25 equipos clasificaos; l'archivu oficial del ERC recueye la participación de 4Space representando a España y a la Universidá d'Uviéu, con una puntuación de 1.069,32 puntos.«ERC Hall of Fame», European Rover Challenge.Memoria 2025 , Fundación Caja Rural d'Asturies, 2026. Poco antes de la competición, Trastu presentóse públicamente na Feria Internacional de Muestras d'Asturies de 2025 nel espaciu de Gijón Impulsa.«Gijón Impulsa en la segunda semana de la FIDMA 2025», Gijón Impulsa, 2025.
En marzu de 2026, el proyeutu 4Space y Trastu consiguieron el primer premiu de los EWA Young Talent Awards na conferencia internacional Smart Technologies & Education celebrada en Brașov, Rumanía, cola propuesta From Classroom Theory to Space-Grade Engineering.«EWA Young Talent Award», EduNet World Association, 2026. El xuráu destacó la madurez téunica, l'enfoque multidisciplinar y la posibilidá de tresferir la conocencia adquirida a aplicaciones aeroespaciales reales. En 2026 l'equipu construyó una versión evolucionada denominada Tras2, destinada a participar na siguiente edición del European Rover Challenge xunto col dron Nuberu; esti nuevu rover incorporó meyores sobre'l diseñu orixinal y volvió clasificar al equipu pa la fase final de la competición.«El equipo 4Space de la Universidad de Oviedo competirá en la final europea de robótica espacial», Europa Press, 29 de xunu de 2026.
Referencies
Enllaces esternos European Rover Challenge Presentación de Trastu por 4Space UniOvi
Categoría:Robots Categoría:Rovers Categoría:Robótica n'Asturies