Gamma Piscium (γ Psc / 6 Piscium / HD 219615)Gamma Piscium (SIMBAD) ye la segunda estrella más brillosa de la constelación de Piscis, dempués de Kullat Nunu (η Piscium), con magnitú aparente +3,70. Nun tien nome propiu habitual, pero na astronomía china, xunto a Fum al Samakah (β Piscium), θ Piscium, ι Piscium y ω Piscium, formaba Peih Leih, «el rescamplu». Alcuéntrase a 131 años lluz de distancia del Sistema Solar.
Gamma Piscium ye una xigante mariellu-naranxa de tipu espectral G9III —dacuando clasificada como K0— que la so temperatura superficial ye de 4833 K. Con una lluminosidá 61 vegaes mayor que la del Sol y un radiu equivalente a 11 radios solares, ye menos grande y lluminosa qu'otres xigantes similares y más conocíes tales como Capella (α Aurigae), Vindemiatrix (ε Virginis) o Ain (ε Tauri). La so masa ye un 70% mayor que la masa solar y tien una edá de 1600 millones d'años.
Quiciabes la carauterística más notable de Gamma Piscium seya la velocidá a la que se mueve. Moviéndose a más de trés cuartos de segundu d'arcu per añu, correspuénde-y una velocidá real de 145 km/s, unos siete vegaes mayor que la mayor parte de les estrelles locales. Ello ye indicativu de que Gamma Piscium ye una visitante proveniente d'otra parte de la galaxa, fora del finu discu que forma la Vía Lláctea onde s'atopa'l Sol.Gamma Piscium (Stars, Jim Kaler) Prueba d'ello ye la so baxa metalicidá ([Fe/H] = -0,62), una cuarta parte de la solar, carauterística d'esti tipu d'estrelles.
Referencies
Categoría:Estrelles Categoría:Constelación de Piscis