Pedro de Lucuce foi un científicu, militar y matemáticu asturianu.
Biografía Nació n'Avilés, llugar nel que pasó la so infancia y mocedá. Estudió Llatinidá na villa d'Avilés y Humanidaes na Universidá d'Uviéu.
En 1710 abandona la carrera de Teoloxía recién iniciada ya inscríbese na carrera d'armes.
Perteneció a varios reximientos rescamplando nel estudiu de la matemática y l'arte de la guerra.
En 1728 ye nomáu comisariu estraordinariu con serviciu nes costes de Granada.
Foi profesor ayudante del direutor de la Real academia militar de Barcelona hasta 1738 en que ye nomáu direutor pol ministru de la Guerra José Patiño.
Tuvo de direutor hasta l'añu 1758, en 1746 asciende a inxenieru xefe y en 1756 a inxenieru direutor.
En 1756 ye nomáu direutor de la Real Sociedá de Matemátiques, anguaño Real Academia de Ciencies Esautes, Físiques y Naturales.
En 1770 foi nomáu mariscal de campu.
Obra Discurso o dictamen sobre la anchura de los caminos reales, Barcelona, 1763. Advertencia para la midida y el cálculo de los desmontes o excavaciones en terrenos irregulares, Barcelona, 1766. Principios de fortificación que contienen dos definiciones de las obras de plaza y campaña: con una idea de la conducta regularmente observada en el ataque y defensa de las fortalezas, Barcelona, 1772. Disertación sobre las medidas militares que contiene la razón de preferir el uso de las nacionales al de las forasteras, Barcelona, 1773.
Referencies
Enllaces esternos
Categoría:Científicos y científiques d'Asturies Categoría:Militares d'Asturies Categoría:Matemáticos y matemátiques d'Asturies Categoría:Persones d'Avilés