Алабамскі лапатанос (Scaphirhynchus suttkusi) — від рыб сямейства асятровых. Знаходзіцца пад пагрозай знікнення.
Апісанне
Гэта невялікі асетр з падоўжаным, верацёнападобным целам. Дарослыя асобіны звычайна дасягаюць у даўжыню каля 70–80 см і важаць ад 1 да 2 кг. Характэрна плоскае, лапатападобнае рыла. Мае ад 15 да 21 жаберных тычынак на першай жабернай дузе. Спіна і бакі жоўта-аранжавага або светла-карычневага адцення, бруха — крэмава-белае. Цела пакрыта пяццю радамі касцяных пласцін (жучак). На спіне ў яго 15–21 жучак, а на баках — 40–49. Брушныя пласцінкі вельмі дробныя і амаль цалкам пагружаны ў скуру, ледзь заўважныя. Характэрна доўгае хваставое сцябло, вялікія вочы (што адрознівае яго ад іншых лапатаносаў).
Асаблівасці біялогіі Эндэмік рачной сістэмы Мабіл у штаце Алабама. Раней сустракаўся ў многіх рэках штата, але зараз яго прысутнасць пацверджана толькі ў ніжнім цячэнні ракі Алабама. Аддае перавагу глыбокім участкам рэк з хуткай плынню і цвёрдым дном (пясок ці жвір).
Прыдонны драпежнік, знаходзіць лічынак насякомых, дробных малюскаў і іншых беспазваночных. Біялогія размнажэння вывучана слаба з-за рэдкасці віду.
Асноўнымі прычынамі катастрафічнага скарачэння папуляцыі сталі будаўніцтва плацін (якія перакрылі шляхі да нерасцілішчаў), забруджванне вады і змяненне рэжыму рачнога сцёку. У пачатку XXI ст. зафіксаваны толькі адзінкавыя выпадкі сустрэчы з гэтай рыбінй.
Крыніцы
Катэгорыя:Асятровыя