Аляксандр Аляксандравіч Гальчанюк (; года, Мілуокі, штат Вісконсін, ЗША) — амерыканскі хакеіст беларускага паходжання. Цэнтральны нападнік, які выступае за клуб Нацыянальнай хакейнай лігі — «Манрэаль Канадыенс».
Біяграфія Бацька Алекса, былы беларускі хакеіст Аляксандр Мікалаевіч Гальчанюк, які ў цяперашні час з’яўляецца асістэнтам галоўнага трэнера Сарніі Стынг. «Стынг» задрафтаваў Алекса ў 2010 годзе пад агульным першым нумарам. За «Сарнію» Гальчанюк правёў два сезоны. Таксама быў абраны ў другім раўндзе драфта КХЛ 2011 камандай Атлант пад агульным 25-м нумарам. Выступае за зборную ЗША. Яго агентам з’яўляецца славуты хакеіст Ігар Ларыёнаў. На драфце НХЛ 2012 абраны пад агульным трэцім нумарам камандай «Манрэаль Канадыенс».
23 ліпеня 2012 года падпісаў трохгадовы кантракт з «Канадыенс».
Дэбютаваў у НХЛ 20 студзеня 2013 г. у матчы супраць «Таронта Мейпл Ліфс».
Першы гол у НХЛ забіў 22 студзеня 2013 года ў матчы супраць «Флорыда Пантэрз».
Чэмпіён моладзевага чэмпіянату свету 2013 у складзе зборнай ЗША. Бронзавы прызёр дарослага чэмпіянату свету 2013.
Спасылкі
Профіль на афіцыйным сайце хакейнай лігі Антарыа
Катэгорыя:Хакеісты ЗША Катэгорыя:Хакеісты НХЛ Катэгорыя:Ігракі «Сарнія Стынг» Катэгорыя:Ігракі «Манрэаль Канадыенс» Катэгорыя:Ігракі «Арызона Каёціс» Катэгорыя:Ігракі зборнай ЗША па хакеі