Half-Life: Opposing Force — шутар ад першай асобы і першае дапаўненне да гульні Half-Life, распрацаванае кампаніяй Gearbox Software і выпушчанае Sierra Entertainment 31 кастрычніка 1999 года. Дапаўненне паказвае падзеі Half-Life з боку капрала Адрыяна Шэпарда, салдата спецпадраздзялення HECU.
У Opposing Force, як і ў арыгінальнай Half-Life, прысутнічала сеткавая гульня. У маі 2000 года Valve Corporation і Gearbox выпусцілі спецыяльнае дапаўненне для сеткавай гульні — Opposing Force: Capture the Flag, у якім быў даданы рэжым «Захват сцяга» () і новыя карты. Пазней Opposing Force разам з гэтым дапаўненнем былі ўключаны ў рэліз Half-Life: Blue Shift.
У 2005 годзе Opposing Force выйшла ў Steam ў складзе набору Half-Life 1: Anthology. На тэрыторыі Беларусі і СНД гэты набор распаўсюджваўся кампаніяй Бука.
Сюжэт Гульня пачынаецца з таго, что капрал Адрыян Шэпард ляціць ў верталёце са сваім атрадам да навукова-даследчага комплекса Чорная Меза (). Салдаты абмяркоўваюць, што дагэтуль не маюць дакладных звестак аб сваёй місіі. Верталёт ужо набліжаецца да месца высадкі, аднак яго атакуюць іншапланецяне, верталёт падае і Шэпард страчвае прытомнасць. Ён прыходзіць у сябе ў часовым шпіталі навукоўцаў Чорнай Мезы, якія выратавалі яго. Шэпард накіроўваецца на пошукі радыёстанцыі і даведваецца, што іншапланецяне перамагаюць марпехаў, таму ўсім загадана адступаць з Чорнай Мезы. Шэпард дабіраецца да кропкі эвакуацыі, аднак Джы-Мэн перашкаджае яго пасадцы ў верталёт. На шляху да наступнай кропкі эвакуацыі Шэпарда атакуюць «чорныя аператыўнікі», якім загадана зачысціць навуковы комплекс і ўзарваць ядзерны зарад. Знішчаючы «чорных аператыўнікаў», Шэпард шукае новыя шляхі эвакуацыі, коратка бачыць Гордана Фрымена, патрапляе ў сусвет Зэн праз партал, вяртаецца ў Чорную Мезу і абясшкоджвае тэрмаядзерны зарад. Аднак Джы-Мэн зноў прыводзіць механізм бомбы ў дзеянне і Шэпарду даводзіцца зноў шукаць хуткі шлях да эвакуацыі. Патрапіўшы праз партал у сусвет Зэн яшчэ раз, Шэпард змагаецца з іншапланетным чарвяком і перамагае яго, з мёртвага чарвяка вырываюцца парталы і адзін з іх паглынае Шэпарда. Напрыканцы Шэпард прыходзіць у сябе на верталёце, які ляціць ад Чорнай Мезы, і бачыць перад сабой Джы-Мэна. Удалечыні выбухае тэрмаядзерны зарад і Джы-Мэн кажа, што Чорная Меза была перашкодай. Ён паведамляе Шэпарду, што затрымае яго, каб прадухіліць уцечку інфармацыі пра інцыдэнт. Верталёт пераносіцца ў пустую прастору, Джы-Мэн уваходзіць у партал і пакідае Шэпарда аднаго.
Крыніцы
Катэгорыя:Відэагульні з трохмернай графікай Катэгорыя:Шутары ад першай асобы Катэгорыя:Гульні для Windows Катэгорыя:Гульні для Linux Катэгорыя:Гульні для macOS Катэгорыя:Відэагульні, распрацаваныя ў ЗША Катэгорыя:Valve Катэгорыя:Half-Life