Еўрапейскі шпрот (Sprattus sprattus) — від марскіх рыб з сямейства селядцовых (Clupeidae).
Насяляе моры Еўропы ад Гібралтара да Лафатэнскіх астравоў, у т.л. Паўночнае і Нарвежскае мора (паўночны шпрот). Жыве ў Балтыйскім моры (балтыйскі шпрот, або кілька). Насяляе паўночную частку Міжземнага і Чорнае мора (паўднёваеўрапейскі, аб чарнаморскі шпрот).
Характарызуецца моцна развітымі кілепадобнымі лускавінкамі. Кіль пачынаецца ад горла і даходзіць да анальнага плаўніка, жывот сціснуты з бакоў.
Ежу складаюць у асноўным планктонныя ракападобныя (зоапланктон) і маляўкі рыб.
Прамысловая чародная рыба. Выкарыстоўваецца ў тым ліку для вырабу рыбных кансерваў, а таксама замарожанай і салёнай рыбнай прадукцыі.
Падвіды Большасць аўтараў вылучае тры слаба адрозных падвіда: Sprattus sprattus balticus — у Балтыйскім моры. Sprattus sprattus phalericus — у Міжземным, Адрыятычным і Чорным морах. Sprattus sprattus sprattus — у астатняй частцы арэалу. Часам вылучалі таксама асобны падвід Sprattus sprattus sulinus, які жыве толькі ў Чорным моры.
Катэгорыя:Жывёлы, апісаныя ў 1758 годзе Катэгорыя:Прамысловая рыба Катэгорыя:Селядцовыя