miniatura|Fritz von Opel nun ensaio cun dos seus dispositivos. Fritz Adam Hermann von Opel, nado en Rüsselsheim (Alemaña) o 4 de maio de 1899 e finado en Samedan (Suíza) o 8 de abril de 1971, foi o único fillo de Wilhelm von Opel e un dos netos de Adam Opel, fundador da compañía Opel. É coñecido sobre todo polas súas demostracións espectaculares de propulsión de foguetes, o que lle valeu o alcume de "Rocket Fritz".
Traxectoria Opel naceu na vila alemá de Rüsselsheim, no estado de Hessen, e formouse na Universidade Técnica de Darmstadt. Despois da súa graduación, foi nomeado director de probas da compañía Opel e encargouse tamén da publicidade. Na década de 1920 interesouse no uso de foguetes como recurso publicitario para a empresa, e procurou asesoría contactando para iso con Max Valier, da sociedade Verein für Raumschiffahrt, e con Friedrich Sander, un fabricante de pirotecnia de Bremerhaven.
O 15 de marzo de 1928 a Opel probou o seu primeiro coche propulsado con foguetesFritz von Opel en www.buscabiografias.com, o RAK1, e conseguiu unha velocidade superior aos 75 km/h, co que probou a viabilidade deste xeito de propulsión. Pouco máis dun mes máis tarde, chegou xa á velocidade de 230 km/h co RAK.2, propulsado por vinte e catro foguetes de combustible sólido.
Nese mesmo 1928, adquiriu un planador coñecido como "Lippisch Ente" ("O parrulo de Lippisch")Timothy Hughes. Rare & Early Newspapers. "1928 Fritz Von Opel... Rocket propulsion...". que pertencera a Alexander Lippisch e engadiulle propulsión de foguete, co que creou o primeiro avión do mundo con esta propulsión. Opel tivo unha ocasión para probar esta aeronave, antes de estourar no seu segundo voo de proba. Logo encargoulle a Julius Hatry unha aeronave nova, á que volveu chamar RAK.1, e fíxoa voar en Frankfurt o 30 de setembro de 1929. No entanto, probou tamén o RAK.3, un vagón de ferrocarril impulsado por 30 foguetes de combustible sólido que alcanzou unha velocidade de 254 km/h.
Tamén en 1928, Opel construíu e probou unha motocicleta con esta mesma propulsión, que chamou "Monstro".
Opel deixou a empresa familiar e Alemaña a partir de 1929.
En 1947 Opel contraeu matrimonio e ese mesmo ano foi pai dun neno ao que chamou Frederick, que chegou a ser piloto de Fórmula 1 (coñecido como Rikky von Opel).
Fritz von Opel morreu en Samedan, Suíza, en 1971.
Notas
Véxase tamén
Ligazóns externas Historia da compañía Opel. No sitio web oficial de Opel.
Categoría:Enxeñeiros de Alemaña Categoría:Inventores de Alemaña Categoría:Opel Categoría:Nados en 1899 Categoría:Finados en 1971 Categoría:Nados en Alemaña