Mohammed Rafi, nado en Kotla Sultan Singh o 24 de decembro de 1924 e finado en Mumbai o 31 de xullo de 1980, foi un cantante indio, un dos máis populares e con máis éxito no cinema hindi. Está considerado un dos máis influentes cantantes do subcontinente indio.
Traxectoria Rafi destacou pola súa voz, versatilidade e rango; as súas cancións variaban entre os números rápidos e animados e as cancións patrióticas, os números tristes e as cancións románticas, dos qawwalis aos ghazals e dos bhajans ás cancións clásicas indias. Foi coñecido pola súa habilidade para moldear a súa voz á personaxe e estilo dun actor, sincronizando a canción coa escena do filme. Recibiu seis Filmfare Awards e un National Film Award ao mellor cantante de dobraxe. En 1967 recibiu o premio Padma Shri do Goberno da India.
Gravou cancións para máis de mil filmes hindi e cantou en varias linguas indias e estraxeiras, principalmente en hindi, urdú e panxabí. Gravou 7405 en múltiples linguas. Ademais de linguas indias cantou en inglés, farsi, árabe, cingalés, crioulo e neerlandés.
Notas
Categoría:Cantantes da India Categoría:Nados no Panxab, India Categoría:Nados en 1924 Categoría:Finados en 1980 Categoría:Cantantes en lingua marathi Categoría:Cantantes en lingua konkani