Catarina de Courtenay, nada en 1274 e finada o 13 de outubro de 1307, foi a emperatriz titular de Constantinopla desde 1283 até a súa morte.
Traxectoria Foi filla de Filipe de Courtenay, emperador titular de Constantinopla, e de Beatriz de Anjou, filla de Carlos I de Sicilia e Beatriz da Provenza.
Á morte do seu pai, herdou os dereitos do trono e foi recoñecida como emperatriz dos Estados Latinos en Grecia. O 8 de febreiro de 1301 contraeu matrimonio co conde Carlos de Valois, fillo segundo de Filipe III de Francia e Sabela de Aragón, transformándose así o seu esposo en emperador titular.
Do matrimonio nacerían catro fillos:
Xoán de Valois, Conde de Chartres (1302–1308). Catarina de Valois (1303-1346), Emperatriz Titular de Constantinopla e Princesa Consorte de Acaia polo seu matrimonio con Filipe I de Tarento. Xoana de Valois (1304–1363), Condesa de Beaumont-le-Roger polo seu matrimonio con Roberto III de Artois. Isabel de Valois (1305–1349), Abadesa de Fontevrault.
Categoría:Finados en 1307 Categoría:Nados en 1274 Categoría:Emperatrices titulares do Imperio Latino