O Museo Numismático de Atenas (en grego: Νομισματικό Μουσείο Αθηνών) é unha das institucións museísticas máis importantes de Grecia, que aloxa unha das coleccións máis completas do mundo de moedas antigas e modernas."Numismatic Museum of Athens ". En www.museeum.com

O museo ten a súa sede na que foi a mansión do arqueólogo Heinrich Schliemann (1822-1890), coñecida como "Palacio de Llion" (Ιλίου Μέλαθρον -Iliou Melathron-).Stylianakos Korrés, G. "Iliou Melathron - Heinrich Schliemanns Wohnpalais in Athen". En Heinrich-Schliemann-Museum.

Historia esquerda|miniatura|267x267px|Fachada do Museo Numismático de Atenas A primeira tentativa de elaborar unha colección estatal produciuse pouco despois da independencia de Grecia en Exina. Aquela primitiva colección foi enriquecida a través de diversas escavacións, compras e doazóns.

O museo propiamente dito fundouse en 1838, na mesma época que o Museo Arqueolóxico Nacional de Atenas, aínda que cumpriu o paso de varios anos e a publicación dunha regulación específica para que ambas as institucións chegasen a ser totalmente independentes, nunha primeira etapa en 1893 e, posteriormente, a partir de 1965.

Inicialmente, a colección formaba parte da Biblioteca Nacional de Grecia e estaba aloxada no edificio principal da Universidade de Atenas, onde se exhibiu ao público por vez primeira. En 1946, a colección foi trasladada á sede do Museo Arqueolóxico Nacional e, finalmente, en 1984 decidiuse levala á súa situación actual, na que se estableceu en 1998 logo das oportunas obras de acondicionamento."The History of the Numismatic Museum". No sitio web oficial do museo."Numismatic Museum Iliou Melathron ". En Athens Info Guide.

O edificio Iliou Melathron miniatura|O edificio do museo en 1896 O edificio de tres andares Iliou Melathron, que acolle o Museo Numismático, atópase na rúa Panepistimiou (Οδός Πανεπιστημίου; "Rúa da Universidade"), preto da coñecida praza Syntagma. Foi construído entre 1878 e 1880 para Heinrich Schliemann, baixo a dirección do afamado arquitecto Ernst Ziller."Iliou Melathron". En Archeology of the City of Athens: Contemporary Monuments Database."Heinrich Schliemann". No sitio web oficial do museo."Ernst Ziller". No sitio web oficial do museo.

Na época da súa construción, considerouse como a residencia privada máis abraiante de Atenas, cun deseño exterior de inspiración tanto neorenacentista como neoclásica, mentres que o interior amosa influencia da arquitectura de Pompeia. Os cuartos están decorados con mosaicos e murais que representan temas da Guerra de Troia e motivos gregos.

En 1927, a viúva de Heinrich Schliemann, Sofía, vendeulle o edificio ao Estado Grego, que o dedicou inicialmente á sede do Consello de Estado e posteriormente á do Tribunal de Casación.Damaskos, D. "Der zweite Palast von Troja Schliemanns Wohnhaus in Athen als Numismatisches Museum". En Der Tagesspiegel. 25 de abril de 1999.

O uso do edificio como tribunal de xustiza ocasionoulle moitos danos, que obrigaron a sometelo a unha importante renovación para poder albergar o Museo Numismático; entre outras cousas, restauráronse os mosaicos e os murais."Conservation works". No sitio web oficial do museo.

Finalmente, a colección numismática foi inaugurada na parte restaurada do edificio en 1998 e non acabou de estar totalmente visitable ata 2007."The Iliou Melathron". No sitio web oficial do museo."The Iliou Melathron". No sitio web oficial do museo.

Coleccións miniatura|240x240px|Vista do interior do Museo Numismático de Atenas. A colección do museo componse de 600.000 obxectos, principalmente moedas aínda que tamén medallas, pesas padrón, cuños, selos e outros, desde o século -XIV a. de C. ata os tempos actuais. A disposición da colección ten unha orientación cronolóxica. O museo posúe unha importante colección de moedas desde o século VI a. de C. ata o século V d. de C., como as das cidades-Estado gregas e as dos períodos helenístico e romano. Tamén cómpre salientar as coleccións bizantinas e medievais de Europa Occidental, do Oriente e do Imperio Otomán."The Permanent Exhibition". No sitio web oficial do museo."Numismatic Museum of Athens". En Numista.

Unha gran parte da colección está constituída por moedas procedentes de achados arqueolóxicos, e o resto provén da colección inicial de Exina e de diversas doazóns e adquisicións."Acquisitions 1994-2000. Donations-Sponsorships-Bequests". No sitio web opficial do museo.

O museo aloxa tamén unha biblioteca de 12 000 libros especializados no estudo da da moeda, ademais dun laboratorio para a conservación dos obxectos expostos e custodiados."The Library". No sitio web oficial do museo."The Numismatic Museum Conservation Lab". No sitio web oficial do museo.

Directores do museo Andreas Moustoxydis (1829-1832) Christian Giede (1834-1836) Loudovikos Ros (1836-1837) Kyriakos Pittakis (1837-1842) Georgios Gennadios (1842-1843) Georgios Kozakis (1843-1856) Achilleas Postolakas (1856-1888) Ioannis N. Svoronos (1890-1922) Georgios Oikonomos (1923-1928) Konstantinos Konstandopoulos (1928-1940) Ioannis Miliadis (1940) Irini Varoucha-Christodoulopoulou (1940-1963) Mando Oeconomides (1964-1994) Ioannis Touratsoglou (1994-2002) Despina Evgenidou (desde 2002)

Galería de imaxes de obxectos expostos

Notas

Véxase tamén

Outros artigos Lista de museos numismáticos Moeda da Antiga Grecia Moeda bizantina Heinrich Schliemann Museo Arqueolóxico Nacional de Atenas

Bibliografía

The First Century of the Numismatic Museum 1829-1922. Museo Numismático. Atenas, 1988. Kokkas, P.; Nikolaou, Y. Modern Coin Hoards of the Numismatic Museum. 15th - 20th Century. Museo Numismático. Atenas, 2005. Papageorgiadou, H. Athens Numismatic Museum. The Zarifis Donation. Museo Numismático. Atenas, 2006. ISBN 9789608684652 Touratsoglou, I. (1999). "The Numismatic Museum of Athens ". En Compte Rendu. 46. International Numismatic Council. Páxinas 69-73.

Ligazóns externas

Sitio web oficial "Numismatic Museum ". The Athens Key. "Numismatic Museum of Athens, Grrece". En Money Museum. "Numismatic Museum of Athens". En www.introducingathens.com

Categoría:Museos de numismática Categoría:Museos de Grecia Categoría:Cultura de Grecia Categoría:Moedas da Antiga Grecia