El mago de los sueños é unha película española de animación tradicional de 1966 protagonizada pola familia Telerín, personaxes animados creados polos irmáns Santiago e José Luis Moro Escalona. A longametraxe foi realizada polo catalán Francisco Macián nos seus estudios de Barcelona, quen obtivo dos irmáns Moro a autorización para utilizar os seus personaxes.
Argumento O filme baséase en contos de Hans Christian Andersen, así como en Polgariño, e presenta por primeira vez o personaxe chamado Mago dos Soños, unha especie de duende ou trasno con lentes que ten como obxectivo principal combater a Don Coco Quitasueños e lograr que os nenos consigan durmir e poder contarlles un soño. Cada un dos nenos da familia Telerín ten un soño, que intenta deixar unha mensaxe para o espectador infantil. As historias comenzan co soño de Cuquín, o máis pequeno dos Telerines e finaliza co soño de Colitas.
Produción A película conta con melodías interpretadas por Los 3 Sudamericanos, Teresa María, Andy Russell, Tito Mora e o cantante italiano Ennio Sangiusto.
No equipo de animación traballaron o catalán Jordi Gin, que anos despois sería director artístico do semanario de humor El Jueves e o chileno Vicar (Víctor Arriagada Ríos), que posteriormente traballaría para Disney como debuxante de historietas do Pato Donald.
Personaxes principais El Mago de los Sueños Ring ring Cuquín Cleo Tete Pelusín Colitas Maripí Don Coco Quitasueños
Banda sonora Estruturadas e dirixidas polo mestre José Solá, os temas musicais do LP El Mago de los Sueños (Belter 22.064) son:
Cara A Vamos a la cama Soñarás (interpretada por Andy Russell) Soy el Mago de los Sueños (interpretada por Andy Russell) El twist de Cuquín Cuento de la Caperucita Colitas y el circo
Cara B Tete Hood Pelusín y la moneda El guau de Maripí Cleo y el marcianito (interpretada por "Los 4 de la Torre" e Teresa María) Vamos a la cama
Máis adiante editouse un CD promocional (Hollywood Studios HSCD-188) coas mesmas pistas.
Véxase tamén Ligazóns externas
Categoría:Filmes de 1966 Categoría:Filmes de España Categoría:Filmes en lingua castelá Categoría:Filmes de animación Categoría:Filmes de fantasía Categoría:Filmes musicais