foi un político xaponés, vixésimo noveno primeiro ministro do Xapón (desde o 13 de decembro de 1931 até o 15 de maio de 1932, día do seu asasinato). Era o bisavó de Sadako Ogata.

Traxectoria Primeiros anos Naceu nunha familia de samurais no Niwase han, provincia de Bizen (actual cidade de Okayama, na prefectura de Okayama), e graduouse na Universidade Keiō de Tokyo. Na súa mocidade traballou como xornalista. Acompañou ao Exército Imperial Xaponés durante a Rebelión de Satsuma como reporteiro do Yubin Hochi Shimbun.

Carreira política Inukai uniuse ao partido Rikken Kaishintō en 1882, que apoiaba as causas políticas liberais e opúxose aos membros dos antigos dominios Chōshū e Satsuma que controlaban o goberno. Foi elixido deputado da Cámara de Representantes en 1890, e renovou o escano dezasete veces.

O seu primeiro posto de gabinete foi como ministro de Educación no primeiro goberno de Okuma Shigenobu en 1898, e como ministro de Asuntos Internos e Comunicacións no segundo mandato de Yamamoto Gonnohyoe.

Foi unha figura clave no Shinpotō, no Kenseitō e no Rikken Kokumintō, que finalmente acabou co goberno de Katsura Tarō en 1913.

En 1922, o Rikken Kokuminto converteuse no Kakushin Kurabu, que uniu forzas con outros partidos máis pequenos para formar o gabinete de Katō Takaaki en 1924. Inukai serviu no gabinete como Ministro de Asuntos Internos e Comunicacións. O Kakushin Kurabu fusionouse co Rikken Seiyūkai, dos cales Inukai continuou sendo un membro clave. En 1929, tras a morte repentina de Tanaka Giichi, converteuse en presidente do Rikken Seiyūkai.

Primeiro ministro esquerda|miniatura| Artigo do xornal Tokyo Asahi Shimbun do 15 de maio de 1932 que inclúe o asasinato de Inukai e o intento de golpe de estado. Inukai converteuse no 29º primeiro ministro do Xapón en 1931. Nese momento, Xapón afrontaba unha grave situación económica debido aos efectos da Gran Depresión de 1929 e o seu prematuro retorno ao patrón ouro. O goberno de Inukai tomou medidas para inflar a economía. Non obstante, non puido impoñer restricións fiscais ao exército nin controlar os asuntos militares na China, despois do incidente de Manchuria. A constante disputa co poder militar levou ao asasinato de Inukai durante o golpe do 15 de maio de 1932 -un grupo de fanáticos vinculados á Mariña matárono despois de que ratificara o Tratado de Londres, que puxo límites á Mariña-, e marcou o fin do control político civil no goberno até o final da Segunda guerra mundial.

Notas

Véxase tamén

Bibliografía

Bix, Herbert B. Hirohito e a creación do Xapón moderno . HarperPerennial (2001). ISBN 0-06-093130-2 Brendon, Piers. The Dark Valley: A Panorama of the 1930s . Vintage; reedición (2002). ISBN 0-375-70808-1 Oka Yoshitake, et al. Cinco líderes políticos do Xapón moderno: Ito Hirobumi, Okuma Shigenobu, Hara Takashi, Inukai Tsuyoshi e Saionji Kimmochi . University of Tokyo Press (1984). ISBN 0-86008-379-9

Ligazóns externas Fotos e biografía na Biblioteca Nacional da Dieta Museo Memorial de Inukai (Okayama)

Predecesor:Wakatsuki Reijirōcentro|40x40pxPrimeiro ministro do Xapón1931 - 1932Sucesor:Saitō Makoto

Categoría:Nados en 1855 Categoría:Finados en 1932 Categoría:Primeiros ministros do Xapón Categoría:Asasinatos no Xapón