Rubén Sobrino Pozuelo, nado en Daimiel o 1 de xuño de 1992, é un futbolista español que xoga como dianteiro no Cádiz, da Segunda División.
Traxectoria Formado como futbolista na canteira do Daimiel ED, en 2008 incorporouse ao equipo xuvenil do Real Madrid e na tempada 2012/13 debutou co Real Madrid C na Segunda División B. O 26 de maio de 2013 xogou o seu primeiro partido co Real Madrid Castilla na Segunda División, entrando como substituto de Jesé nun empate 1-1 contra o Elche. En agosto de 2014, tralo descenso do Castilla, fichou pola Ponferradina.
No verán de 2015 foi traspasado ao Manchester City, que pagou por el uns 250.000 euros máis 200.000 en variables. Foi inmediatamente cedido ao Girona para a tempada 2015/16, e na seguinte xogou a préstamo no Alavés. Debutou na Primeira División o 16 de outubro de 2016, substituíndo ao serbio Aleksandar Katai nun partido ante o Málaga.
O 6 de xullo de 2017, o Manchester City anunciou que traspasaba definitivamente a Sobrino ao Alavés, co que o xogador asinou un contrato por catro anos. Entre 2019 e 2021 xogou no Valencia CF, fichando a continuación polo Cádiz.
Notas
Categoría:Nados en Daimiel Categoría:Nados en 1992 Categoría:Futbolistas de Castela-A Mancha Categoría:Dianteiros de fútbol Categoría:Xogadores do Real Madrid C Categoría:Xogadores do Real Madrid Castilla Categoría:Xogadores da SD Ponferradina Categoría:Xogadores do Manchester City FC Categoría:Xogadores do Girona FC Categoría:Xogadores do Deportivo Alavés Categoría:Xogadores do Valencia CF Categoría:Xogadores do Cádiz CF