Josefa Eva Castiñeira Santos, máis coñecida como Eva Castiñeira, nada en Agranzón (San Martiño de Ozón, Muxía) en 1925 e finada en 2008, foi unha cantareira galega.
Traxectoria Dende cativa cantaba nas festas, bailes e romarías xunto con súa irmá Engracia e outras veciñas. Emigrou á Coruña, onde traballou no servizo doméstico. Viviu no barrio de San Pedro de Visma.
En 1981 participou como convidada nun concerto de Milladoiro, de modo que foi a primeira pandeireteira en acompañar un grupo folk. Foi gravada tamén para o álbum Recolleita, de Pablo Quintana, canda o cego dos Vilares, e as súas melodías tamén foron inseridas no álbum Galicia no país das maravillas, de Milladoiro.
Homenaxes e influencia Leilía dedicoulle o seu disco Consentimento (2012).
A súa obra está presente en Xabier Díaz, concretamente o "Valse de Agranzón", e en Luar na Lubre, en concreto no disco Mar maior (2012).
Foi escollida, xunto con Adolfina Casás, Rosa Casás, Teresa García, Prudencia Garrido, Asunción Garrido e Manuela Lema, como parte da candidatura das cantareiras para ser homenaxeada nas Letras Galegas de 2025.As cantareiras e a poesía popular oral protagonizarán o Día das Letras Galegas 2025
Notas
Véxase tamén Outros artigos Cancioneiro Popular Galego
Categoría:Poetas de Galicia
Categoría:Poetas en lingua galega Categoría:Personalidades de Galicia sen imaxes Categoría:Nados en Muxía Categoría:Nados en 1926 Categoría:Finados en 2010 Categoría:Día das Letras Galegas Categoría:Cantareiras galegas