Francisco Gómez Gómez, coñecido como Fuco Gómez, nado en Montaña de Agra (Ouselle, Becerreá) o 9 de xullo de 1895 e finado na Habana o 9 de xaneiro de 1972, foi un escritor e político galego.
Traxectoria miniatura|Fuco Gómez presenta o estandarte de Hijos de Becerreá y su Comarca, 1927. Residiu en Cuba, onde chegou en 1913, a maior parte da súa vida. Autodidacta, participou activamente en actividades políticas no seo da colonia galega e comezou a escribir en publicacións como Galicia, Heraldo de Galicia e Eco de Galicia defendendo a independencia de Galicia e a súa lingua. Tamén chegou a ser presidente da Sociedad de Instrucción de Becerreá y su Contorno. Participou na constitución das primeiras organizacións políticas galegas, como a Irmandade Galega da Habana en 1917, o Partido Autonomista Galego dous anos máis tarde, e ao ano seguinte a Xuntanza Nazonalista Galega d'Habana e o Comité Revoluzonareo Arredista Galego, de carácter independentista. Para a Xuntanza Nacionalista Galega dirixiu a revista Nós e a publicación Terra Gallega.
Durante a Segunda República volveu para Galiza en 1932 co obxectivo de defender o independentismo, mais cun rotundo fracaso, pois os galeguistas considerárono un aventureiro. Tamén se dedicou a recoller palabras e refráns populares. Publicou varios artigos en A Fouce. Regresou a Cuba en 1935.
Colaborou en Cultura Gallega e foi presidente da Institución Galega (Círculo Benéfico Cívico-Social) en 1940. Entre os anos 1941 e 1961 dirixiu a revista mensual Patria Galega. Fuco Gómez publicou case medio cento de obras.
Obra
Grafía galega, 1926 (ensaio). Naciones Ibéricas, 1931. O idioma dos animás. Opúscaro de enxebreza, 1937 (novela). Pastorelas (poesía). Ensayos de Crítica e Historia de Galicia, 1960.
Notas
Véxase tamén
Bibliografía
Ligazóns externas Fuco Gómez: nacionalismo e humanismo. Ideario dun arredista Biografía na Enciclopedia da Emigración Galega
Categoría:Escritores de Galicia en lingua galega Categoría:Escritores de Galicia en lingua castelá Categoría:Poetas de Galicia Categoría:Galegos de Cuba Categoría:Nados en Becerreá Categoría:Nados en 1895 Categoría:Finados en 1972