Света Петка () — црква во селото Баровица, Ениџевардарско, Егејска Македонија. Влегува во состав на Гуменџиско-бојмичко-ругуновската епархија на Цариградската патријаршија.
Црквата е градена во 1830-тите. Претставува трикорабна базилика со внатрешни димензии од 10,6 × 18,1 м. Направена е од делкани камења. Од запад и југ има трем. На запад има низок нартекс и галерија во облик на буквата П. Корабите се поделени со шест пара колони. Апсидата е полукружна одвнатре и однадвор, а нишите на ѓаконикот и жртвеникот не излегуваат од источниот ѕид. Влезот на наосоте од југ, а пак западниот влез води во галеријата поради висинската разлика.
Таваните се дрвени, со геометриски форми и обоени со силни бои. Предниците на аркадите во наосот се живописани со фрески на кои има сцени од животот на Христос. Забележителни Се дрвените елементи на внатрешноста — иконостасот, владичкиот престол и амвонот, насликани со цветни мотви. Повеќето икони на иконостасот се од 1837 г. Во храмот има икони на зографот Христо Сакелариев од Петрово.
Камбанаријата на јужниот влез на комплексот е подигната во 1886 г. според натпис на камена плоча.
Во 1991 г. црквата е прогласена за споменик на културата.
Поврзано Гуменџиско-бојмичко-ругуновска епархија
Наводи
Петка, Баровица Петка, Баровица Категорија:Споменици на културата во Пајонија (општина) Категорија:Појавено во 1830-тите