Рето́рика, ἡ ῥητορικὴ τέχνη ораторске умѣня — филологична дисциплина, котра штудуе способы организации артистично выразной речи, передо вшиткым прозовой и устной речи, ораторске умѣня.Топоров В. Н.
Сферы поуживаня Основны сферы, де потребна и поуживана реторика суть:Семен Абрамович политична, церковна, академична, юридична, каждоденной комуникации.
История Риторика ся сформовала як окрема наука уже в Старовѣкой Греции: уже в V. сторочу до н. е. в Сиракузах быв написаный учебник реторикы (до нас не дойшов). В резултатѣ чинности ораторох и теоретикох в далшых сторочах у Аристотела (Риторика), Цицерона (De oratore, Orator, De inventionе, Brutus), Квинтилиана (Institutio oratore) и др. склала ся окрема область научного знаня, котра згорнула практичны скушености ораторского умѣня, аж и уложила про него свои законы и правила.
Понеже до IV. ст. до н. е. не ествовало писомне засвѣдчѣня понятя ἡ ῥητορικὴ τέχνη ораторске умѣня, его автором поважують Платона (диалог Горгий, около 385 до н. е.). Тот датум появы термину фактично фиксуе зачаток формованя реторикы як теории.Поліщук А. С.
В середновѣку реторика была внесена в число семерох слободных умѣнь. В значной мѣрѣ реторика ся прислужила до вывою гомилетикы. В нововѣку реторика процвѣтала в добѣ романтизму и сентиментализму в прозѣ, а переливала ся и до поезии (Байрон, Пушкин, Украинка, Франко). Але од конця XIX. стороча, напротив, вельо умѣлцьох выступають против всякой реторикы (Пол Верлен, Антон Чехов). Зась новый поворот до риторикы як свого роду словесной гипнозы можеме видѣти в сполоченствах тоталитарного типу.
Законы реторикы
Антична реторика обсяговала учѣня о трьох жерелах краснореча дар, природны даны — natura; умѣня — ars — як резултат професионалной выукы; цвѣчѣня — exercitatio; о родах краснореча, задачах оратора и одповѣдных елементах речи: вынайдѣня (inventio), циже систематизация материала, головны точкы, пункты доказу, логичны аргументы, росклад материала (dispositio), его композиция (вступ, выклад, заключѣня), словесный выклад (еlocutio), главна задача реторикы (критерии краснореча: правилность, ясность, упорядоченость, умѣстность, красота (выбер слов, их допарованя, фигуры речи), запамятаня (memona), професионалн ораторска память и выгваряня (pronunciatio, actio), интонация, мимика, гесты, спомагаючы успѣх речи. Формализоване было учѣня за три штилы выкладу (зависимы од аудитории): высокый, середний, низкый; три цѣли реторикы: пересвѣдчити (logos), насолодити (ethos), прояти (pathos), три роды речницкых проявох: славностны, политичны, судовы.
Жерела и одказы
Референции
Катеґорія:Реторика