Албе́рто Мє́лґо (рожд. 29. апріля 1979, Мадрид, Іспанія) є іспанськый режисер, умілець тай аніматор. За свої роботы дустав єден „Оскар“, чотыри „Еммі“ тай дві „Енні“. Мєлґо быв арт директором „Трона: Повстаня“ (Tron: Legacy, 2013) тай дебутовав як режисер из анімаційным куртометровым філмом „Свідок“ (The Witness, 2019) діля антолоґії „Любов, смерть тай роботы“ (Love, Death & Robots) на Netflix.
Карєра Межи ранньыми роботами Алберта Мєлґа сут „Труп молодої“ Тіма Быртона (Corpse Bride, 2005), бавка The Beatles: Rock Band, обідві часті „Гарі Поттера и Дарув смерти“ тай „Трон: Повстаня“; за послідньый Мєлґо у 2013. рокови дустав нагороды „Еммі“ тай „Енні“.
У 2015 Мєлґо быв продакшен дизайнером и арт директором „Чоловіка-паука: Паралелні світы“ (Spider-Man: Into the Spider-Verse) тай намальовав попередню тестову анімацію про тот філм. Тестова анімація не была завершена — повнустю удмальовали ся лиш чотыри кадры, айбо тото дефіновало візуалноє напрямліня всього філма.
У 2019 Мєлґо написав сценарій тай изрежисовав епізод „Свідок“ (The Witness) діля анімаційної антолоґії „Любов, смерть тай роботы“ (Love, Death & Robots), котрый уйграв три „Еммі“ тай єдну „Енні“. Алберта Мєлґа сконтактовала директорка-супервайзорка серіала Ґабріель Пенакйолі, котра го скапчала из Девідом Фінчером и Тімом Міллером.
У 2021–2022. роках зрежисовав дві куртометрові анімаційні філмы: „Склоочисник“ (The Windshield Wiper), свуй личный проєкт за любов и удношіня, котрый дустав „Оскара“ у номінації „Майліпшый анімаційный куртометровый філм“ на 94. Церемонії нагороженя Кіноакадемії тай епізод „Хібаро“ (Jibaro) про „Любов, смерть и роботы“, за котрый дустав „Еммі“.
У 2025. рокови Мєлґо зрежисовав куртый філм-трейлер діля будучної компютерної бавкы Marathon уд студії Bungie.
Нагороды +РукНазывкаНагорода2013Tron: Uprising Primetime Emmy Award Annie Award as Best Production Designer2019The Witness (Love, Death & Robots) Emmy Award for Best Animated Short Emmy Award for Best Art Direction Emmy Award for Best Animation Annie Award2022The Windshield Wiper Academy Award for Best Animated Short Film2022Jibaro (Love, Death & Robots) Primetime Emmy Award for Outstanding Short Form Animated Program
Референції