Муль

Муль (даколи липарь) — общоє именованя про доста малинькых оваду з вида лускокрылых (Метелику, Lepidoptera), ведущых побулшости нучный и пудвечурьньый жывотошор. Розділиня вида лускокрылых на денных метелику тай нучных метелику доста розусяженоє, айбо ниє научно арґуметованоєКаабак Л. В., Сочивко А. В. Бабочки мира. — : Аванта+, 2003. — ISBN 5-94623-008-5.

Слово «муль» выходит уд праслов. *molь, котроє, по єднуй вирзії, є выхудным уд *melti («молоти», и тогды етімолоґічноє значіня слова — «друблячый (тоты, ко казят) овад»), ай по инакуй — скапчано з дв.-ґрец. μῆλον («мала худоба»), ирл. míl («звірь» — из етімолоґічным значіньом «малый звірь».Этимологический словарь славянских языков. т. 19 — М.: Наука. 1992. с. 203—205

У анґліцькум языци докусного аналоґа русинського слова «муль» ниє. Словом у анґлоязычных крайинах убозначавут всьых «нучных метелику». Hangay G., Gruner S. V., Howard F. W., Capinera J. L., Gerberg, E. J., et al. (2008). Moths (Lepidoptera: Heterocera). Encyclopedia of Entomology, 2491—2494. doi:10.1007/978-1-4020-6359-6_4705

Ґрупа включат у ся булше ги 15 тисяч виду. Представникы изберателної ґрупы характерізувут ся малинькыма й дуже малинькыма розмірами. Розмах крыльця 3—20 мм, май рідко д 40 мм (Cosmopterigidae тай Coleophoridae) и выйимково рідко д 60 мм (Scardia — руд файты грибных молий). Голова широка з выходящыма волосками. Крыля узкі, часто з удовженов стряпков. Представникы изберателної ґрупы сут рузні по строїньови тіла й жилковатости крыль. Май прімітівныма сут первинні зубаті молі (файта Micropterigidae) ймавучі єднакоє строїня перидньых и задньых крыль и грызущый ротовый апарат діля ідіня пиля. Всі сеґменты тіла йих гуселниць ймавут кунці.

Муль розусяжена домак усяды, ряд виду (платяна муль) сут сінантропами. Гуселници рузных файт моли удкрыто жмвлят ся на розтинах, прокладавут ходы вудну листя — «мінувут» листя (мацінькі моли, Nepticulidae), розвоювут ся у твирьдых гливах тай роговых субстратах (зуправдні моли), ідят ростинні авадь худобинні зостаткы, грибами й лишайниками. Грибоідні гуселници свойствинні про файты зупрадных молий и, в особенности, діля рода Tinea. Интересный факт, што гуселници амбарної моли можут розвойовати ся на отровнуй спорыни. Ряд виду сут кератофаґами й живлят ся штофами звіриного похожіня: шкуров, волосьом, вовнов, роговыми штофами. У приклад сут представникы файты зуправдных молий: платяна муль (Tineola biselliella), коврова муль (Trichophaga tapetiella), шубна муль (Tinea pellionella), сирстяна муль (Tinea laevigella) тай другі. Гуселници молий рода Ceratophaga живут у рогах живых и мертвых афріканськых антілоп тай буйволу, живлячи ся кератіном. Ай гуселници вида Ceratophaga vicinella, живучі в южнуй Флоріді, живлят ся панцирями мертвых черепах ґофер-поліфем.

Дакоторі моли сут ґаздувськыми шкудниками (хлопкова муль, капустяна муль, ржана муль) плодовых дерев (яблыньова муль, Yponomeuta malinella), зерновых запасу (зернова муль, амбарна муль) тай вовны (шубна муль, платяна муль, мебелна муль).Девяткин Л. А. Моли. Большая российская энциклопедия. 2004

Склад У ґрупу включавут слідувучі файты:

Acrolepiidae Adelidae Agonoxenidae Autostichidae Batrachedridae Bedelliidae Blastobasidae Bucculatricidae Chimabachidae Choreutidae Coleophoridae Cosmopterigidae Douglasiidae Elachistidae Epermeniidae Eriocraniidae Gelechiidae Glyphipterigidae Gracillariidae Heliozelidae Hepialidae Incurvariidae Lyonetiidae Lypusidae Micropterigidae Momphidae Nepticulidae Oecophoridae Opostegidae Plutellidae Prodoxidae Roeslerstammiidae Schreckensteiniidae Scythrididae Stathmopodidae Tineidae Tischeriidae Yponomeutidae Ypsolophidae

Пудміткы

Źródło i licencja