Ґеноцід у Ґа́зі тото біжный, нарочный и систематичный ґеноцід палестинцюв у Ґазі, чиненый Ізраїльом бігом Войны у Ґазі. Ун обсягує масові убивства, моріня голодом, нанесеня тяжкых тілесных и психічных травм. Другі проявы ґеноціда включавут блокады, нищеня цивілної інфраструктуры, медичных закладув, убивства медичных робутникув тай дуставачув гуманітарної помочі, насилні переміщеня, сексуалноє насилство, нищеня ошколовалных, реліґійных и културных міст. Ґеноцід є признаный спеціалным комітетом Орґанізації споєных націй, изглядовацьков комісійов, Межинароднов асоціаційов ученых у вопросах ґеноцідув, многыми орґанізаціями за людські права, учеными, котрі ся спеціалізувут у ґеноцідах и межинародному праві и другыми експертами.
Подля оцінок на децембер 2025 у Ґазі были убиті маймало 70,117 чоловік. Бульшина жертв — цивілні, и коло 50% из них тото жоны тай діти. Числа знаных смертий журналіштув, гуманітарных и медичных робутникув и дітий сут єдні из майвеликых межи недавньыми ґлобалными конфліктами. Держит ся, ож пуд завалы понищеных хыж трафили тысячкы непорахованых тіл. Изглядованя у медичному журналі The Lancet приблизно пораховало было, ож число смертий позад травм на юній 2024 были недооцінені, тай ож статистика смертий годна бы была быти ищи май высоков, кідь бы ся раховали и „непрямі“ смерті.: "We estimated 64,260 deaths (95% CI 55 298–78 525) due to traumatic injury during the study period, suggesting the Palestinian MoH under-reported mortality by 41%. ... Our findings underestimate the full impact of the military operation in Gaza, as they do not account for non-trauma-related deaths resulting from health service disruption, food insecurity, and inadequate water and sanitation." Травмованых є бульш ги 171,000 чоловік. Ґаза має майвеликоє число дітий из ампутаціями на єдиницю населеня у вшыткому світі; позад Войны в Ґазі дустали інвалідності бульш ги 21,000 дітий.
Блокада з боку Ізраїля стала важным фактором голодованя населеня. На авґуст 2025 проґнозы указовали, ож дас 641,000 людий сут на катастрофічному уровньови забезпечености провіантом подля шкалы IPC (Integrated Food Security Phase Classification), тай ож тото число ся віроятно пудниме ид 1.14 міліонам. На зачаткови конфлікта Ізраїль притяв постачаня воды тай електрикы у реґіон, айбо май пак часточно удновив водопостачаня. На май 2024. року 84% медичных центрув у Ґазі были знищені вадь пошкожені. Ізраїль кроме того знищив многі културні міста, у тум числі ушыткі 12 університетув Ґазы тай 80% школ. Бульш ги 1.9 міліона палестинцюв — 85% населеня Ґазы — были насилно переміщені.
У децембрі 2023 уряд Южноафриканської республікы зачав процес против Ізраїля у Межинародному суді Орґанізації споєных націй, „South Africa v. Israel“, обвинявучи державу в нарушеньови Конвенції за ґеноціды. У януарови 2024. року суд наказав Ізраїльови вчинити вшытко у свойих силах про спертя актув ґеноціда, наказованя закликув до ґеноціда тай пустити базові гуманітарні услугы, помуч и припасы у Ґазу.Order, S. Afr., No. 192 (ICJ 26 January 2024). Май пак суд ищи наказав Ізраїльови збульшити обсягы гуманітарної помочі в Ґазі тай сперти свуй наступ на Рафах. Ізраїль не додержав рішеня суда повнустю. Ізраїль и його пудпоровачі заявлявут, ож їх дії не сут ґеноцідом, ож они сут удповідьов на атакы 7. октовбра 2023, тай ож Ізраїль хоче знищити Хамас и услободити ізраїльськых заложникув.: "The extensive and deliberate targeting of Palestinian children shows that the military operations were not conducted solely to defeat Hamas and other Palestinian armed groups, nor can they legitimately contribute to the other stated goals of defending the state of Israel and securing the release of Israeli hostages."
Історія
Окупація Ізраїльом Ґазы ся зачала Арабсько-ізраїльськов войнов 1967. року. У 2005. році Ізраїль вывюг свої наземні войська у контексті переговорув у Ослі тай Другої інтіфады. Межинародный суд ОСН удав быв свуй рекомендаційный назор, ож попри вывод войська Ізраїль и дале нелеґално окупує Ґазу.
Уд 2007. року Ґазов фактично керовав Хамас — ісламіштська мілітантна ґрупа — в тот час як западный берег рікы Йордан контрольовала Палестинська автономія. По тому, як Хамас забрав контроль, Ізраїль інтенсифіковав свою блокаду Ґазы, удкликувучи ся на пережываня за безпеку в реґіоні; межинародні ґрупы за людські права назвали блокаду формов колективного наказаня. Аґенція ОСН про помуч палестинськым утіканцям на Близкому востоці (UNRWA) звітовала, ож у 2023 позад блокады 81% бывателюв Ґазы жыли за рамков худобы, а 63% не мали провізійної безпекы тай мусіли зависіти уд межинародної помочі. Уд 2007. року єдні з другыма боювут Ізраїль тай Хамас (и другі палестинські ополченці у Ґазі), у тому числі бігом чотырьох войн у 2008–2009., 2012., 2014. тай 2021. роках.
7. октовбра 2023. року Хамас атаковав Ізраїль из Ґазы, убивши маймало 1,139 людий, бульшина з котрых были цивілными. Атака обсяговала тяжкі акты насилства, в тому числі сексуалноє насилство. Бігом атакы палестинські мілітантні ґрупы украли 251 людий из Ізраїля у Ґазу. Ізраїль на тото удповів читаво нищувнов бомбардовалнов кампанійов тай інвазійов Ґазы 27. октовбра.
Представникы Хамаса заявили были, ож атака ся плановала ги удповідь на ізраїльську окупацію Западного берега Йордана, блокаду Ґазы, насилство Ізраїля против бывателюв Ґазы, ограниченя палестинцюв у переміщеньови тай задержаня тысяч палестинцюв, многых з котрых без офіційного обвиновачіня, котрых Хамас хотів услободити, узявши ізраїльськых заложникув. Многі коментаторы удзначовали ізраїльську окупацію як причину войны. Дакулько орґанізацій за людські права, наприклад Amnesty International, Бецелем: "A regime that uses laws, practices and organized violence to cement the supremacy of one group over another is an apartheid regime. Israeli apartheid, which promotes the supremacy of Jews over Palestinians, was not born in one day or of a single speech. It is a process that has gradually grown more institutionalized and explicit, with mechanisms introduced over time in law and practice to promote Jewish supremacy. These accumulated measures, their pervasiveness in legislation and political practice, and the public and judicial support they receive—all form the basis for our conclusion that the bar for labeling the Israeli regime as apartheid has been met." тай Human Rights Watch, порувньовали ізраїльську окупацію из апартеїдом; пудпоровачі Ізраїля пуддавут таку характеристику сомніву. Рекомендаційный назор Межинародного суда ОСН заявив за нелеґалность окупації тай нарушеня Межинародної конвенції за ліквідацію вшыткых форм расової діскрімінації.
Бігом першых 48 годин ізраїльської атакы в удповідь, началника Ґенералного штаба Цагала Герці Галеві удзвітовав, ож Цагал атаковав 1,000 цілий. Дас 10,000 палестинцюв были убиті за місяць, у тум числі такой цілі файты.
Ізраїльськый уряд уповів, ож його воєнні дії тото удповідь на атакы 7. октовбра 2023. року, націлена на знищеня Хамаса, ліквідацію його контроля над Ґазов и услободжіня ізраїльськых заложникув; заперечив елемент ґеноціда у свойих воєнных операціях.: "The extensive and deliberate targeting of Palestinian children shows that the military operations were not conducted solely to defeat Hamas and other Palestinian armed groups, nor can they legitimately contribute to the other stated goals of defending the state of Israel and securing the release of Israeli hostages."
Дефініції ґеноціда тай правові узвы
Конвенція ОСН за ґеноціды 1948. року дефінує ґеноцід як акт, учиненый „из наміром знищити, часточно ци повнустю, націоналну, етнічну, расову ци реліґійну ґрупу“, через „шкоду, запобіганя рожденям тай насилноє переміщеня дітий“. Межинародный суд ОСН ниґда не держав нияку державу удповідалнов за ґеноцід. Правовый поруг про ґеноцідный намір ся лишат читавым барєром про просекуцію.
Ориґінална дефініція, выведена Рафаелом Лемкіном была май шырока, бо обсяговала щи културноє тай соціалноє нищеня. Ортодоксні научні дефініції навборот ся фокусувут на актах против фізичного ужываня даякої ґрупы. Не є мусайного мінімума жертв авадь нарочных жертв, обы ся тото раховало злочином, ани не мусай, обы было повноє унищеня ґрупы. У процесі за ґеноцід народа роінджа, Ухоснованя конвенції за запобіганя тай наказаня ґеноціда (Ґамбія против Мянмы), дакулько держав заявляли, ож Межинародному суду варта „мати збалансованый пудход, котрый усвідомлює тяжкость такого злочина, як ґеноцід, без пуднятя порога ґеноцідного наміру на такый уровень, при котрому найти ґеноцід буде почти невозможно“.
Акты ґеноціда Прямі убивства Непрямі смерті Голод и блокада Нарочноє нищеня цивілної інфраструктуры Насилноє переміщеня Атакы по медицинськуй інфраструктурі Нищеня културных, реліґійных и ошколовалных міст Тілесні тай психічні травмы, сексуалноє насилство Екоцід Переслідованя людий конкретных професій Робутникы ошколовалної сферы Журналішты Медичні робутникы
Академічный и правовый діскурс Накба тай ізраїльська ідеолоґія Изглядованя ґеноціда тай Голокоста Експерты у вопросах права тай людськых прав Другі учені
Судові процесы Межинародный суд Орґанізації споєных націй Межинародный криміналный суд Другі судові процесы
Удповідалность другых держав
Ник. щи Арабсько-ізраїльськый конфлікт Палестина (штат) Ізраїль
Референції