José Antonio Abreu Anselmi, nado en Valera (Estado Trujillo) o 7 de maio de 1939 e finado o 24 de marzo de 2018, foi un director de orquestra, compositor, intérprete (pianista, organista, clavecinista) educador, activista e político venezolano. Era de confesión católica, economista summa cum laude e recibiu doutoramentos honoris causa en economía, música, educación e medicina de diversas universidades do mundo. Estaba considerado unha das iconas culturais de Venezuela.
Traxectoria Desde moi novo, dedicouse á música, estudando con Doralisa Jiménez de Medina en Barquisimeto e máis tarde en Caracas, aos dezanove anos, con Moisés Moleiro, Evencio Castellanos e Vicente Emilio Sojo. Completou estudos en Europa e nos Estados Unidos. Graduouse como economista na Universidade Católica Andrés Bello e desempeñou diversos cargos políticos en Venezuela.
El Sistema Abreu fíxose coñecido pola súa asociación coa docencia da música, como creador de El Sistema. Este programa, aínda vixente, busca proporcionar oportunidades educativas e de desenvolvemento persoal a través da música a nenos e mozos, especialmente aqueles en situacións desfavorecidas. Baixo a dirección de Abreu, El Sistema ten participado en programas de intercambio e de cooperación musical con países de todo o mundo.esquerda|miniatura|250x250px|Sistema de orquestras e coros xuvenís e infantís do Estado Zulia, Venezuela.En 1975 fundou a Orquesta Sinfónica Nacional Juvenil e a Fundación del Estado para el Sistema Nacional de las Orquestas Juveniles e Infantiles de Venezuela (FESNOJIV), unha rede de orquestras infantís, xuveniles e de coros que involucra a miles de rapaces e raparigas. Co mesmo método fundouse a Orquesta Sinfónica de la Juventud Venezolana Simón Bolívar fundada en 1979.
Recibiu o Premio Nacional de Música de Venezuela de 1979 polo seu traballo en El Sistema, e o Príncipe de Asturias de 2008.
Honras Abreu foi galardoado co Premio Nacional de Música Sinfónica en 1967.
Foi homenaxeado co Premio Latin Grammy Trustees 2009, unha honra concedida a personalidades que contribuíron á música pola Academia Latina de Artes y Ciencias de la Grabación.
Tamén recibiu o premio TED.
Notas
Véxase tamén
Outros artigos Gustavo Dudamel Ligazóns externas
Premio Biografía sobre Right Livelihood Obra de José Antonio Abreu (Arquivado, en castelán)
Categoría:Alumnos da Universidade de Míchigan Categoría:Economistas Categoría:Pianistas Categoría:Directores de orquestra Categoría:Políticos de Venezuela Categoría:Músicos de Venezuela Categoría:Finados en 2018 Categoría:Nados en 1939 Categoría:Nados en Venezuela