Taali é unha localidade do municipio de Tori no condado de Pärnu, Estonia, que no ano 2021 tiña unha poboación censada de 210 habitantes (en 2000 e 2011, tiña 257 e 227 habitantes, respectivamente). Atópase no centro do condado, preto da costa do golfo de Riga (mar Báltico), do río Pärnu e da fronteira co condado de Viljandi. Taali está a 16 metros sobre o nivel do mar.
Pazo de Taali O pazo de Taali deriva o seu nome (en alemán: Staelenhof) da familia Staël von Holstein, que recibiu a propiedade como agasallo no século XVII e que foron os propietarios ata a reforma agraria de Estonia de 1919 na que foi expropiado. A propiedade tiña un segundo nome, Paikuse, en alemán Paixt; e cando o lugar foi separado da cidade de Sindi en 1977, as autoridades puxéronlle o nome de Paikuse. Está situado a uns 10 km de Taali.
O edificio principal de pedra calcaria, de estilo neorrenacentista, foi construído en 1852 pola familia Staël von Holstein. En 1934, a maior parte da casa foi derrubada e resultou moi danada durante a Segunda Guerra Mundial. Hoxe só queda preto dun terzo do edificio orixinal,Sakk (2004), p. 298Hein (2009), p. 166 está en mans privadas e foi restaurado nos anos 90. O cemiterio da familia Staël von Holsteins está situado a 500 metros da casa pazo. miniatura|Pazo de Taali declarado patrimonio cultural de Estonia; vista noroeste.
Notas
Véxase tamén
Bibliografía
Categoría:cidades de Estonia