Vilhelm Kristian Magelsen Flugeim () var ein lærar og politikar frå Sogndal.
Flugeim var son til ein lærar og kyrkjesongar. Etter seminarist-eksamen frå Stord i 1878, var han sjølv lærar ved Sogndal Folkehøgskule frå 1878 til 1909. Sidan var han lærar og kyrkjesongar i Sogndal fram til 1929. Flugeim skipa songlag, skyttarlag, ungdomslag og i 1920 sogelag, skreiv ni årbøker Sogndal, heimbygdi vår. Frå 1890 var han i lang tid kasserar i Sogndal Sparebank.
I mange år var Flugeim medlem i Sogndal heradsstyre, varaordførar og 1913–16 ordførar. Valperiodane 1910–12 og 1913–15 varamann frå krinsen Indre Sogn til Stortinget. Han møtte i 1910 frå 19. mai til 19. juli, medlem i Lagtinget og i Landbrukskomiteen. Flugeim var ein «føregangsmann for målreisingsarbeidet» i Sogndal.
Kjelder Lindstøl, Tallak: Stortinget og Statsraadet 1814-1914. Kristiania, 1914. Norsk allkunnebok. 4. bandet:532 Sogns Tidend, 10. mars 1942
Kategori:Stortingsrepresentantar 1910-1912 Kategori:Stortingsrepresentantar for Nordre Bergenhus amt Kategori:Stortingsrepresentantar frå Venstre Kategori:Vararepresentantar til Stortinget Kategori:Ordførarar i Sogndal Kategori:Venstreordførarar i Sogn og Fjordane Kategori:Norske lærarar Kategori:Folk frå Sogndal