Ібара́кі (; Ібаракі-кен; ібар. いばらぎけん, Ібараґі-кен/えばらぎけん, Ебараґі-кен)http://www1.tmtv.ne.jp/~kadoya-sogo/ibaraki-i.htmlhttps://japanknowledge.com/articles/blognihongo/entry.html?entryid=387 — кен у реґіонови Канто, острӱв Хоншу, Японія. Є на берегови Тихого океана, знама свойым розвоём, технолоґічностёв и интересным діалектом.
Назва Назва кена происходить уд історичного топоніма Ібаракі, знамого щи у давньых японськых жерел. У тому числови споминать ся первый раз письмово у Хітачі-фудокі изкладеному у VIII. сторочови.Интернет-сайт кена Ібаракі
Назва 茨城 складать ся из знакӱв, первый то є «тирня» а другый є «за́мок», то є — «Тернистый замок». На офіціалнӱв символіці кена нарисована ружа, што є символом края.Интернет-сайт кена Ібаракі
Ґеоґрафія Ібаракі-кен положеный на северо-выхолови реґіона Канто, у 30-150 км уд центры Токё. На выход уходить у Тихый океан, на северови граничить из Фукушіма-кен, а на западови из Тоґічі-кен, на югови границя значныв міров проходить по ріці Тоне, што удділять Ібаракі уд Чібы и Сайтамы. Адміністративный центр кена — варош Міто́.https://visit.ibarakiguide.jp/en/?utm_source=chatgpt.comhttps://www.pref.ibaraki.jp/bugai/koho/kenmin/profile/?utm_source=chatgpt.com.
Площадь кена сягать 6.098 км². Север и северо-запад кена то суть у основі горы: туй суть южні удгоря горных систем Яміцо и Абукумы. Друга же часть кена то є почти лиш сама руня. Через ниї течуть рікы Тоне, Нака и Куджі.
Єдным из майгрубых водозборӱв у Ібаракі-кен є озеро Кашуміґаура, што є на ёго югови. Тыж значну роль у ґеоґрафії мать як берег Тихого океана, так и озера, рікы, горы, рунины.
Погода у Ібаракі-кен удносно мняка руняно из северными районами Хоншю. Кодо Міто серидня рӱчна температура сягала 14.1 °C у 1991-2020. А у рӱк паде около 1368 мм осадкӱв. У варошови Дайґо, што є у горнӱв северо-западнӱв части кена, клімат май прохладный, там температура серидня за рӱк 12.6 °C.Погода у Ібаракі-кен
Історія Зимлі Ібаракі мавуть давню історію, ужек у VIII. сторочови край описав ся у єдному из немногых описӱв Японії у тот час — Хітачі-фудокі. Там Ібаракі описує ся теплыв и плодородныв зимлёв, котра богата на ресурсы и удобна про живӱт.
У старовік бӱлша часть кена входила у состав провінції Хітачі. Особо важну роль играв край у період Едо. У Міто были опшаря рода Токуґава. Позад близости ид Едо и выгодного положіня на морськых и сухопутных путях Міто став важным політичным и културно-економічным центром Японії.
Дале описує ся сись край у Дайніппонші (Велика Історія Японії) котрый ся писав 249 рокӱв, товды у Ібаракі розвивала ся култура и економіка, а конфуціанство шырило ся доста скоро.
По реставрації Мейджі адміністративный шор реґіона неєдноразово міняв ся. Нынішньый Ібаракі-кен учинив ся у резултатови адміністративної реформы у 1871. році, у 1875. році были утверждені и границі кена, котрі близкі ид днишньым.https://www.pref.ibaraki.jp/bugai/koho/kenmin/profile/history.html?utm_source=chatgpt.com
Бігом XX. стороча у Ібаракі-кен розвивать ся транспорт, промысел, туризм и енерґетика. Образовали ся промыслові центры Кашіма и Хітачі. У 1998. році удкрыв ся морськый порт Хітачінака.https://www.pref.ibaraki.jp/bugai/koho/kenmin/profile/history.html?utm_source=chatgpt.com.
Важным варошом став Цукуба, се є наукоград и туй є бӱлша часть изслідоватильськых офісӱв. То є ачий ци не главный научный центр Японії. Туй є знамый по цілому світови універзитет Цукуба.https://studyinjapan.krjc.kg/university/tsukuba-university
Адміністративноє діліня Станом на наш час (2026. рӱк) Ібаракі-кен ділить ся на 44 шічёсоны, миже них вароші, ма́чі (варощикы) и му́ры (села). Адміністративный центр — Міто. Майвеликі вароші суть Міто, Хітачі, Цукуба, Цучіура, Хітачінака и Кашіма.
Вароші Испис варошӱв кена: Бандо; Дзёсо; Інашікі; Ішіока; Ітако; Камішу; Касама; Кашіма; Касуміґаура; Кітаібаракі; Коґа; Міто; Морія; Нака; Намеґата; Омітама; Рюґасакі; Сакураґава; Шімоцума; Такахаґі; Тікусей; Торіде; Ушіку; Хітачі; Хітачінака; Хітачіомія; Хітачіота; Хокота; Цукуба; Цукубамірай; Цутіура; Юкі.
Ґуны Мачі и муры по ґунам:
Хіґашіібаракі; Ібаракі; Оараі; Шіросато; Нака; Токай; Куджі; Дайґо; Інашікі; Амі; Кавачі; Міхо; Юкі; Ятіё; Сашіма; Ґока; Сакаі; Кітасома; Тоне.
Обывательство На 1. юла 2026. року у Ібаракі-кен жило коло 2.78 млн чиляди, из них 101.790 суть иноземці. Обывательство кена у послідні дисятьроча маліє позад старіня, хоть міґрація у кен часточно покрывать тоту проблему. За юн 2026. року обывательство змаліло на 932 людий, 1602 умерло, 670 прийшло.https://www.pref.ibaraki.jp/kikaku/tokei/fukyu/tokei/betsu/jinko/getsu/jinko2607.html?utm_source=chatgpt.com
По даным управы Ібаракі-кен число иноземцьӱв увеличує ся: из 88.829 у януарови 2025 до 101.790 у юлови 2026. У краёви живуть многі народности. Окрем японцьӱв, сереґ майбӱлшых общин суть вьетнамці, філіпінці, китайці, бразильці и индонезійці.https://www.pref.ibaraki.jp/gikai/report/mirai/05/setsumeichoshu4.pdf?utm_source=chatgpt.com
Економіка Краёва економіка включать у ся великый промысел, научно-технічный сектор и сільськоє ґаздӱвство. Сам кен занимать дуже выгодну позицію, поблизь Токё, мать великі промыслові плошины, и єдну из майбӱлшых слободных територій здалых на заставбу. У Хітачі зформовав ся кластер машинарьськых и електротехнічных пудприємств, а побережя Кашімы є центром ропнохемічної и металурґічної промысловости.https://www.jetro.go.jp/en/invest/region/data/ibaraki.html?_previewDate_=null&_tmpCssPreview_=0&revision=0&viewForce=1&utm_source=chatgpt.com
Сільськоє ґаздӱвство є и было ачий ци не майважным конарём економікы. Наприклад: у 2024. році обща ціна усёї продукції што ю продали была 549,4 млрд єн, и из 2018. року занимать тритёє місто по продажам сільґазд= сельхоз у руському языкови. Куртанка из сільськоґаздӱ́вської продукції у крайні. Особо велика роль є зеленинарьства, садовины и косиць: на ростлинарьство у 2024. році приходило ся 48% сільґазд продукції. Ібаракі-кен тыж є єдным из майгрубых уробникӱв риса и скотарьської продукції.https://www.pref.ibaraki.jp/nourinsuisan/noseisaku/senryaku/5sonota/sanshutsugaku.html?utm_source=chatgpt.com
Одліка Ібаракі — Цукуба, єден из грубых научно-изслідоватильськых центрӱв Японії. Туй изконцентровані державні изслідоватильські институты, універзитеты и пудприємства высокотехнолоґічных конарьӱв. У варошови розвивавуть ся робототехніка, біотехнолоґії, еколоґічні технолоґії и передовоє продукованя; наприклад у Цукубі є Центр передовых изслідовань полупроводникӱв AIST, заложеный у 2023. році про розвой технолоґій будущности.https://unit.aist.go.jp/sfrc/index_en.html?utm_source=chatgpt.com
Што лоґічно, важный є тыж и транспорно-лоґістичный сектор. Порты Ібаракі и Кашіма суть ге выходні и северні "ворота столичного реґіона": порт Ібаракі зъединять Хітачі, Оарай и Хітачі-Нака и обслуговує навалочні грузы, контейнерові перевезіня, автомобілові паромы тай судна типа RORO. Уддільныв перевагов є добра комунікація из усьым реґіоном Канто, и близость до Токё.https://www.pref.ibaraki.jp/doboku/ibako/index.html?utm_source=chatgpt.com
Ищи ге жрідло доходӱв росте туризм. У 2024. році туристичні траты у Ібаракі-кен сягли 444,7 млрд єн, што бӱлше на 24,4% уд 2023. року. Кен прияв 61,8 млн туристӱв; сереґ майнавщівленых міст суть гора Цукуба, придорожна штація Мічі-но-Екі Джёсо и народный парк Хітачі-Кайхін.https://ibarakinews.jp/news/newsdetail.php?f_jun=17528442780412&utm_source=chatgpt.com
Наука Цукуба є главный научный центр края. Там є комплекс лабораторій, коледжӱв, універзитет и изслідоватильськых офісӱв. На 2023. рӱк там обывало 17.084 изслідоватиля, из них 8.488 были у ступени доктора наук.https://www.pref.ibaraki.jp/bugai/koho/kenmin/news/mame/index.html?utm_source=chatgpt.com
Култура Ібаракі-кен ге и уся Японія мать унікалну културу, наприклад, єдныв из майзнамых традицій є Касама-які. То є кераміка котру чинять у варошови Касама. Касама є главным центром гончарьства у Ібаракі-кен, и сокотить своє старовікоє ремесло. Каждорӱчно проходить фестівал керамікы у котрӱм беруть участь, часто бӱлше 200 майстерньӱв.https://www.ibarakiguide.jp/sp/special/kasama_himatsuri.html?utm_source=chatgpt.com
Тыж єдным из главных по значимости културных фестівалӱв є Хітачі-сакура-мацурі, што проходить кажду ярь, у варошови Хітачі. Главныв ёго културныв подіёв є Хітачі-фурюмоно — велика платформа высотов у 15 метрӱв котра зклавши ся, стає сценов про кукольноє представліня. Ся традиція взникла ищи у XVII. сторочови и входить у испис нематеріалного културного наслідя ЮНЕСКО.
Современна же култура Ібаракі-кен, то суть умілицькі центры, музеї, театралні и літературні міроприємства, и особно то суть концерты и поп-култура. У кенови реґуларно проходить Ібаракійськый фестівал умілств. Є музей керамічного ремела Ібаракі-кен и музей и современного умілства. Културный портал кена публікує концерты, уставкы, и другоє.
У послідні рокы общественность и власти Ібаракі розвивавуть проєкты на переділови културы и современної масової културы, включавучи уддільно проґрамы ге «Ібаракі × аніме».https://www.bunkajoho.pref.ibaraki.jp/event.html?utm_source=chatgpt.com
Знаменитости Майзнамыми знаменитыми містами є сад Кайраку-ен у Міто, гора Цукуба, озеро Кашуміґаура и Народный парк Хітачі.https://visit.ibarakiguide.jp/en/?utm_source=chatgpt.com.
Народный парк Хітачі є єдныв из майзнамых знаменитостий Ібаракі-кен. Там у великых полях цвітуть немофілы, челлені кохії и другі косиці. Подобні поля мож стрітити у другых "народных парках" Ібаракі-кен.
А варош Оарай, мать як популарні сереґ містных пляжі, так и реліґійні объекты. Синтоістські храмы ге Оарай-Ісосакі, Каміісо-но-Торіі, и будгійськый храм Ґеншішіншу Ґанню.https://www.getyourguide.com/uk-ua/oarai-isosaki-shrine-l239971/?visitor-id=96OXJ8V0U12NVKAUZDWU08Z1OROAOGW3&locale_autoredirect_optout=true
Символы кена Ґерб Ібаракі представлять собов штилізованый розкрывавущый ся бутон ружі. Мотив ґерба изъязаный из природов края и розвоём, творьбу, кываня уперед, стремліня ид будучности.
Ґерб офіціално приятый 13. новембра 1991. року. Цвіт-символ кена є «Ібаракі-блю» — насыченый темно-синьый цвіт.
Динь Ібаракі-кен удмічать ся 13. новембра, каждый рӱк. Иппен того дня кен быв образованый императором Мейджі, у чисть того є праздник у Ібаракі-кен.https://www.pref.ibaraki.jp/bugai/koho/kenmin/kenminnohi/kenmin/bosyu.html
Знамі родакы Токуґава Міцкуні (1628-1701) — даймё у Міто и єден из майзнамых представитильӱв рода Міто-Токуґава. Быв покровитилём історичных изслідовань и написаня “Дайніппонші”. Внӱс великый вклад у розвой културы у варошови Міто.https://www.bunkajoho.pref.ibaraki.jp/senjin.html?utm_source=chatgpt.com Мамія Ріндзо (1780-1844) — японськый вандраш и картоґраф, знамый свойыв експедиціёв на Сахалін, и уложінём карт северної Японії.https://www.nippon.com/en/guide-to-japan/pref08/?utm_source=chatgpt.com. Токуґава Наріакі (1800-1860) — даймё у Міто, реформатор періода Едо.https://www.bunkajoho.pref.ibaraki.jp/senjin/senjin22.html?utm_source=chatgpt.com. Фуджіта Токо (1806-1855) — японськый ученый и політичный мыслитиль, быв близкый совітник Токуґавы Наріакі и провказав великый вплыв на ідеї зъязані из императорськый властёв и вонкашныв політиков Японії у період Едо.https://www.bunkajoho.pref.ibaraki.jp/senjin/senjin22.html?utm_source=chatgpt.com. Ёкояма Тайкан (1868-1958) — єден из майзнамых японськых малярьӱв XX. стороча, родив ся у Міто. Єден из основатильӱв Японської академії Красных Умілств и мав значиму роль у розвоёви современної японської живописи.https://www.bunkajoho.pref.ibaraki.jp/senjin.html?utm_source=chatgpt.comhttps://www.nippon.com/en/guide-to-japan/pref08/?utm_source=chatgpt.com
Удкликованя
Катеґорія:Реґіон Канто Катеґорія:Кены Японії Катеґорія:Ібаракі-кен Катеґорія:Ібаракі Катеґорія:Япония Катеґорія:Адміністративноє діліня Японії