Е́рвін А́дерс () (7. мая 1881 — 6. януара 1974) — німицькый инженірь и конструктор у галузи машинарьства, твориць тяжкых танкӱв, зокрема Тіґер 1 и його наслідник Тіґер 2.
Ранні рокы Ервін Адерс родив ся у Дӱсселдорфови 7. мая 1881. року. Учив ся у технічному коледжови вароша Аахен, тамкы такой и здав екзамены у 1906. році. Пак робив у дакӱлкох компаніях, што спеціалізовали ся на уробництвови ставбеної тай автомобілної технікы, а ищи научно-досліднӱв діялности.Німицька національна бібліотека (GND): Ідентифікатор особы Ервіна Адерса — GND 13695572X
Перва світова война и начало карєры конструктора Цивілноє житя Ервіна Адерса было прервато у 1914. році первыв світовыв войнов. У катунах Адерс проходив службу у експеременталнӱв автомобілнӱв части — пудрозділови, у якому вӱн годен быв хосновати свої технічні знаня. Експерементална транспортна часть моторизованых войськ упробововала не лиш грузовикы тай артилерійські тягачі, а щи удповідала за орґанізацію проґрамы розробкы танка A7V. Пӱсля войны Адерс робив инженірьом у MAN у Нӱрнберґови, а у 1925. році став робити у Vogtländische Maschinenfabrik AG (VOMAG) у Плауенови, а у 1929. році уже у Daimler-Benz.
Адерс робив у MAN и Daimler-Benz занимавучи ся бӱлше машинарьством. Айбо обідві исі компанії занимали ся и танкарьством. Daimler-Benz безпосередно, а у случайови из MAN — танками занимала ся пудконтролна сьӱв команії фірма Gutehoffnungshütte (GHH) из Обергавзена. Дисять рокӱв профисійного опыта роботы на ґреміалных позиціях у трьох майбӱлш німицькых компаніях позволили у 1933. році Адерсови стати професором у Технічному універзитетови Аахена. Исе, у далшому, дячило дӱставаню роботы компанії Henschel & Sohn.
Розробка Тіґрӱв Уд кӱнця 1936. року тай до кӱнця Другої світової войны, Ервін Адерс быв головным інженірьом тай началником удділа.
Повоєнный пиріод Після войны Адерс робив такой у тӱв галузі, айбо типирька уже на зєдиненӱв фірмі Райнштал-Ганомаг-Геншел. Рахує ся ож вӱн мав удношеня уд розробці мінт типирішньої німицької бронетехнікы, окреме ОБТ Leopard 1 тай БМП Marder.
За споминами сочасникӱв Адерс вӱв доста скромный способ житя тай уникав надмірної увагы, и з чистьов ставив ся уд пудлеглым.
Умер Ервін Адерс 6. януара 1974. року.
Жерела